Mateo 9:18 - NandevaBiblia

¹⁸ Jesús ijetateri'ẽshuva kuaretare vãhe ou pente Judiore juhuvisha, ĩñesu hỹnonderã heishu: “Shyrajy rãnga kurite mano, tẽvã reho ndepo rĩñono'ĩãrẽrã, kuerajypo”.

Mateo 9:18 Iomraidhean Croise

Mateo 14:33

Kanoape'iare opa ĩñesu Jesús hỹnonderã heishu: Nde rãnga ãñete Tũpa Tay.

Mateo 15:25

Haipe taupe ñymbojahe, ĩñesu hỹnonderã heishu: Sheja shymborymitẽño.

Mateo 17:14

Vãhẽ jyraha hetavare'õperã, ñymboja Jesús ẽvãpe pente karai, ĩñesu hỹnonderã heishu:

Mateo 20:20

Haivi ñymboja Jesús ẽvãpe Zebedeo hyreko, membyre hãndi Santiago hareka Juan, hãrã ĩñesu Jesús hỹnonde jurureshu verã pente mbai.

Mateo 28:17

Heshama retarã ĩñesu hỹnonde, ĩmetẽ'õ rojambavare.

Mateo 8:2

Hãrã ou jykoty pente kuimbai opa kuru vekua, ĩñesu hỹnonderã, heishu: Sheja, pota opa rijohe shyhevirã, johe shyhevi.

Mateo 8:25

Haipe mboireare momba jyreshu Jesús, hãrã heishu: Yreja, ỹrỹmondojepe, opamapo ñañapyvyĩ!

Mateo 9:17

Hãrã vino py'ahuva mbyhyruhãpo vakapi ndeshivapy; kyrã japoarã vakapi sororã vino opapo jyvare ijehe; hãrã vino py'ahuva mbyhyruañoĩpo vakapi py'ahuvapy, hãmerãpo mokuevea kỹỹ nantuhapy.

Mateo 9:19

Jesús pũãrã ohohipi hareka mboireare hãndi.

Mateo 9:24

Hãrã heishu reta: “Opa pẽhẽ koivi! Ko kuñataĩray manoã, ocheĩ'ẽ”. Hãrã haipe kuaretare õñepyrõ joje jyre.

Lucas 13:14

Tẽvã huvisha Judiore ñymbatyseape'õ poshy'i shara Jesús mynguerajy putu'uava jy'arape. Haivi heishu kuaretare: 6 ara ẽẽ katu ñamba'apo verã; hãrã hoka arape rãngapo peii piñymyngueraka verã, tẽvã avypo putu'uava jy'arape.

Lucas 18:18

Pente huvisha pyrãndushu Jesús: Pyrỹmboi'ia pya kaviva, mbaivarapo ajapo apity verã tykove opambava?

Lucas 7:2

Haipemba ẽẽ 100 syndaro huvisha Romape'õ ĩmerea pente jokuereirea haihuva, hai ñymbairasy hareka mano verãĩma'õ.

Juan 11:25

Haipe Jesús heishu Marta: She hai manovare mynguerajy'ia, hareka tykove. Shyrehe jyrojava, ajemaĩpo mano kuerajyñoĩpo.

Juan 11:32

Maria vãhẽma oho Jesús ẽvãperã, ĩñesu hỹnonderã heishu: Yreja, kope rĩmerẽĩrã shykyvy Lazaro manombatẽ verã.

Hechos 13:15

Judiore ñymbatyseape'õ mburuvishare opama miñee Moisés mbypara vekuarã hareka Tũpa ĩñee mbeu'iare, he'ikashu reta: Shyryvyre ĩmepyre pota kope'õre pereshuvarã ã'ẽ katuma pere.

Hechos 28:8

Haipe Publio tuu hupare'ẽ hyehasypy hareka mbakuseve. Pablo oho maĩhe, hãrã opama jurure'ĩãrẽrã, ipo ñono'ĩãrẽ hareka mynguera.