Mateo 9:13 - NandevaBiblia

¹³ Pekua pikuaa mbaivara he'ise Tũpa ĩñeepe heirã vekua: “She rãnga aipota pypareko papishare hareka ha'eã mymba jukahavare”. She aĩã ãhẽno heko kavivape, koñeĩ heko porãmba'iare opa heja verã mbai porãmba japo vekua.

Mateo 9:13 Iomraidhean Croise

Mateo 12:3

Jesús heishu reta: Pimbijetaamba Tũpa ĩñeepe'õ mbaivara pente arape japo arykai David hareka ñi'ĩrũre opa ñymbahyrã vekua?

Mateo 12:5

Pimbijetããra Moisés mbypara vekua heiva rãĩmi, paire putumbaa verã putu'uava jy'arape tũpaope, tẽvã mbavẽã heishu hokava mbai porãmba?

Mateo 12:7

Pee pikuãã mbaivara he'ise Tũpa ĩñee heivape; “She aipota pypareko papisha, mymba pijukateshe verã vekuaivi”. Hokava pikuarã pereãtẽposhu mbai porãmba japo'iare.

Mateo 19:4

Jesús heishu: Pimbijetãmba Tũpa jykuatiape heiva, Tũpa japo vekua jypyiterã kuimbai hareka taupe?

Mateo 21:42

Jesús heishu reta: Pikuããra Tũpa ĩñeepe heirã: Kova ita, oo japo'iare mombo vekua, hoka ĩãrẽ ã'ẽ mupũ'ãhã. Kova hai Ñandeja japova hãrã ore pevarã hai mbai haikaviva.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 3:8

Tijyhesha pyndyrehe pyhejama mbai porãmba pijapo vekua.

Mateo 4:17

Haivivaĩ Jesús õñepỹrõ ñimiñeerã, hei: “Peijy Tũpa jykoty, shara huvisha vasu vate arapy'õ ryheva kõõĩma'ẽ”.

Marcos 12:26

Manovare kuerajya ryheva, pimbijetãmba Moisés mbypara vekua heiva, marãra Tũpa ijetashu Moisés vycheri hãka hẽndy'õĩvirã hei: “She hai Abraham, Isaac hareka Jacob ñu Tũpa”.

Marcos 12:33

Jahaihu Tũpa ñandypyaivi, opa mbai kuaakue ryheve, ñandyrykove ryheve, ñanypyrãtãkue ryheve hareka jahaihu ñandapisha jaijyhaihuva rãĩmi, haikavive mymba jajuka hareka jahapyvaivi Tũpa heepe.

Marcos 2:17

Jesús hendu hokavarã heishu reta: Mambaimba'ia ikotẽveãhe pyrỹpỹhãno'ia, koñeĩ ñymbairasy'ivaĩ. She aiã ãhẽno heko kavivape, koñeĩ mbai porãmba japo'ia retaĩ.

Lucas 10:26

Jesús heishu: Mbaivara hei Moisés mbypara vekuape? Marãra rimbijetarã, rikuaa?

Lucas 19:10

Shara Kuareta Tay ou heka hareka mondojepe verã kañy vekuare.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Lucas 5:31

Jesús mbyhovaishu reta: Mambaimba'ia ikoteveãhe pyrỹpyhãno'iare, koñeĩ ñymbairasy'ivãi.

Lucas 5:32

She aiã aheno heko kavivape, heko porãmba'ia retapei, oujy verãre Tũpa kyty.

Juan 10:34

Haipe Jesús heishu reta: Ñee mbyparahava pyndykuatiape'ẽ Tũpa heirã vekua: Pee rãnga hai Tũpare!

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

2 Pedro 3:9

Ha'ẽã rãnga Ñandeja potai kỹỹ'ẽva japo verã hai hei vekua, ã'ãmore pya mbijetahea rãĩmi, koñeĩ pyny'ãrõpeveĩ'ẽ, shara hai potãã mbava manoshi, koñeĩ pota opaiteva oujy Tũpa kyty.