Mateo 8:4 - NandevaBiblia

⁴ Jesús heishu: Avy mbava mbeushukui, ekua ijeshakashu paire, meẽkui Tũpa rymeẽshu verã Moisés mbypara vekuape heiva rãĩmi, hãrã paire heshapokui rykueramava.

Mateo 8:4 Iomraidhean Croise

Mateo 10:18

Pyndyrahapo mburuvishare mbory'õre hỹnonde, hãrã pee pijetapo shyrehe, hareka opaite jyrojamba retape

Mateo 16:20

Hãrã Jesús hei kavijyshu mboireare potambaa mbavape mbeu verã haiva Jesús, Cristo he'iashua.

Mateo 17:9

Vejyjy retarã, Jesús heishu reta: Avy pymbeukui mbavape ko pyheshava, kuareta Tay, mũpũ'ãjypeve manovare mbyteivi.

Mateo 3:15

Jesús heishu: Ã'ẽãra kyrãĩpo ryheja, haikavive rãnga jajapo hekope kavi Tũpa potava. Hãrã Juan japo Jesús heishuva rãĩmi.

Mateo 5:17

Avy pimoã ai ambai verã Moisés mbypara vekua hareka Tũpa ĩñee mbeu'iare pyrỹmboihe vekua; she aiã ambai verã, koñeĩ hekope kavi ajapo verãi rãnga.

Mateo 6:1

Avy pijapo mbaikavi kuaretare hỹnonde, pijeshakashu verã retaĩ. Kyrã pijaporã Peru vate arapy'õ, maĩnungapeãpo mbyhekoviape.

Mateo 9:30

Hãma hesare opa kueraherã hesha kavijy reta. Jesús hei kavijyshu: Avy mbava pymbeushukui kova ikova.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Marcos 3:12

Jesús ñyngãtape heishu reta potamba mbeu verãre, mbavara hai.

Marcos 5:43

Tẽvã Jesús heishu reta mbeumba verãre yngavape ikova, haivi heishu myngaru verãre kuñataĩ ray.

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Marcos 7:36

Hãma Jesús heishu reta avy mbavape mbeu verãre, tẽvã kyrãte he'iashuva ñymyrõĩteve opa mbeushu kuaretare,

Marcos 8:30

Jesús hei jyvyĩshu mboireare, potamba kova mbai mbavape mbeu verãre.

Marcos 9:9

Vejyjyma jyveru yvyturusuivirã, Jesús heishu reta avy mbavape mbeu verãre ko heshava, kuareta Tay kuerajypeve manovare mbyteivi.

Lucas 17:14

Jesús heshamãrã heishu reta: Pekua pijeshakashu paire. Haivi jyraha retarã opa kuera.

Lucas 21:13

Kyrãrã pyrekoñoipokui pymbeushu verãre.

Lucas 4:41

Heta ñymbairasy vekuaivi õhe jyve mbaiposhy sapuke jyrerã hei reta: Nde hai Tũpa Tay. Tẽvã Jesús poshy ryheve ijetashu reta hareka mã'eĩahe ijeta reta, shara haire kuaa Cristorã.

Lucas 5:14

Hãma Jesús heishu: Avy mbavape mbeukui. Koñeĩpo reho rijeshakashu pai, hareka raha meẽ opama ndoheava Moisés hei vekua rãĩmi, opavare hesha verã rykueramava.

Lucas 8:56

Tuu hareka ishy reta opa myngyje; tẽvã Jesús heishu reta, potamba mbavape mbeuvare ko iko vekua.

Lucas 9:21

Jesús hei jyvyĩshu reta potamba kova mbavape mbeuvare.

Juan 5:41

She ahekãã kuaretare ijeta kavi shyrehe verã.

Juan 7:18

Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.

Juan 8:50

She aipotãã mbava shymbyvete; tẽvã ĩme'ẽ hekava hareka hai ẽ shendie.