Mateo 8:20 - NandevaBiblia

²⁰ Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Mateo 8:20 Iomraidhean Croise

Mateo 12:32

Tũpa hejareiiposhu kuareta Tay ijeta porãmbahea, tẽvã Espiritu Santo ijeta porãmbahea, ko yvy'ĩãrẽ hejareiiãposhu hareka ara ou'ẽ verãpe.

Mateo 12:40

Jonas ẽvã rãĩmi mbahapy ara hareka pỹntu, pira vasu hyeperã kyrã jyve, kuareta Tay pytapo mbahapy ara hareka pỹtu, yvy'ipy.

Mateo 12:8

Shara kuareta Tay hai putu'uava ara ija jyve.

Mateo 13:37

Haipe Jesús heishu: Mbairãỹ kavi ñoty'ia rãnga hai, kuareta Tay.

Mateo 16:13

Jesús oho tenta Cesarea Filipope, haipe õi terirã mboireare pyrãndushu reta: Mbaivara kuaretare hei shyrehe, kuareta Tay?

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 17:9

Vejyjy retarã, Jesús heishu reta: Avy pymbeukui mbavape ko pyheshava, kuareta Tay, mũpũ'ãjypeve manovare mbyteivi.

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Marcos 8:38

Ĩme'ẽ mbava shynotivarã hareka Shiñee notiva ko tykove ñarõva hareka mbai porãmba japo'ia hỹnonde, kuareta Tay notipo jyveshukui oujyma Tuu hĩmbipekue ryheverã hareka Tũpa jokueva heko kyambare hãndi.

Lucas 12:8

She hai pee, opaite shymbeuva kuaretare hỹnonde, ko kuareta Tay mbeupo jyvekui Tũpa jokuevare hỹnonde.

Lucas 18:8

She hai pee; areãpo ou mbivachekashu reta. Tẽvã ko kuareta Tay vãhẽma ara oujy verãperã, heshara teripokui ko yvy'ĩãrẽ kuareta jyrojava?

Lucas 2:12

Kovapo hai pente mbai heshaha verã pyhesha verã: Pyheshapo pente sanjay ñomahava tarapope, hareka mĩñenohã pente mymba karusevape.

Lucas 2:16

Hãrã avisha ñyngareko'iheare nare'ãite jyraharã hesha reta Maria, José hareka sanjaymi ñeno'õ mymba karusepyape.

Lucas 2:7

Haipe oashu memby tynondeva, hareka tarapopy ñoma, haivi miñenopy pente mymbare karuseape shara mba'ety ẽ verã retape.

Lucas 21:36

Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.

Lucas 8:3

Oho jyve Juana, Chuza hyreko, Herodes jy kyrypoti ñyngareko ihea; hareka Susana, hãndi heta yngare mboryva imẽreare ryheve.

Lucas 9:58

Jesús heishu: Avarare ĩmere hai ikua, hareka vyrare ĩmere jyve haity; kuareta Tay mba'etyre ñenorã ñãkã mbuputuu verãpe.

Juan 1:51

Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Juan 12:34

Hãrã kuaretare heishu: Ore rãnga henduha Moisés mbypara vekua heiva Cristo hykove japymba verã. Marã'ĩrãra rere kuareta Tay hupiha verã kurusure? Akuarã mbavara kuareta Tay?

Juan 13:31

Judas ohomarã Jesús hei: Ã'ẽ, kuareta Tay heshakapo pyrãtãkue, hareka hai rupii Tũpa heshakapo pyrãtãkue ĩme'areva.

Juan 3:13

Mba'ety jupiva vate arapy, haivi vejy vekuãĩ rãnga; jaishu kuareta Tay.

Juan 3:14

Moisés mũpũãva rãĩmi yvy ikoambaipi mboi hã'ãnga bronceivi japoava, kyrãĩpo mũpũ'ãhã jyve kuareta Tay,

Juan 6:27

Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

Juan 6:53

Jesús heishu reta: Ãñete hai pee, pe'ũã kuareta Tay hoo hareka pumbusururuã huvyrã, katuãpo ĩmepyre tykove.

Juan 6:62

Mbaivangamba ikotẽpo, pyhesha ko kuareta Tay jupijyma arykai iko'i vekuaperãme?

Hechos 7:56

Hãrã hei: Ahesha vate arapy jypearã hareka kuareta Tay rãĩmi ou vekua ñymboy'ẽ Tũpa jakata kytyrã.

2 Corintios 8:9

Pee rãnga pikuaama Ñandeja Jesucristo, marãra pya kavi, pyndyraihuiterã hai ikokatutẽva paveteva rãĩmi ou iko'i, hai pavetekuepe pikokatu verã.