Mateo 8:2 - NandevaBiblia

² Hãrã ou jykoty pente kuimbai opa kuru vekua, ĩñesu hỹnonderã, heishu: Sheja, pota opa rijohe shyhevirã, johe shyhevi.

Mateo 8:2 Iomraidhean Croise

Mateo 10:8

Pymynguera ñymbairasyvare, pymbyhykovejy manovare, pijoheshu kuru porãmba'iare hareka mbaiposhyre pymohẽ. Pee rãnga mẽ'ẽhareiipe kova mbaikatu, hãrã piporyrã avy pekora ĩãrẽkui.

Mateo 13:58

Hãrã Jesús heta japo haipe mbaikavi heshaha verã, haire jyrojããherã.

Mateo 14:33

Kanoape'iare opa ĩñesu Jesús hỹnonderã heishu: Nde rãnga ãñete Tũpa Tay.

Mateo 15:25

Haipe taupe ñymbojahe, ĩñesu hỹnonderã heishu: Sheja shymborymitẽño.

Mateo 18:26

Haivi ko jokuehareirea ĩñesu hỹnonde, jurure asyshurã hei: “Karai, shy'ãrõminte hãrã opapo ameẽjyndekui”.

Mateo 2:11

Iche reta oo iperã, hesha sanjay hareka ishy María hãndi. Haipe ĩñesu retarã, õmombaishu sanjay, haivi mbai hyru pea retarã, meẽshu ita vera ijuva, mbai pishekatuva hareka mirra.

Mateo 20:20

Haivi ñymboja Jesús ẽvãpe Zebedeo hyreko, membyre hãndi Santiago hareka Juan, hãrã ĩñesu Jesús hỹnonde jurureshu verã pente mbai.

Mateo 26:6

Jesús ĩme'ẽ Betaniape, Simón he'iashuva kuru porãmba'i vekua hentape,

Mateo 28:17

Heshama retarã ĩñesu hỹnonde, ĩmetẽ'õ rojambavare.

Mateo 28:9

Haipe Jesús õhẽ hỹvãiti retarã heishu: Hãmarate. Haire ñymboja Jesús ẽvape, ipyipi kũãva jyrerã haivi ĩñesu hỹnonde reta,

Mateo 4:9

Hãma heishu: Opaitevapo ameẽndekui kovare, rĩñesu shynonde hareka shemombairã.

Mateo 8:1

Jesús vejyjyma yvyturusuivirã, heta kuareta jyraha haykue.

Mateo 8:25

Haipe mboireare momba jyreshu Jesús, hãrã heishu: Yreja, ỹrỹmondojepe, opamapo ñañapyvyĩ!

Mateo 9:18

Jesús ijetateri'ẽshuva kuaretare vãhe ou pente Judiore juhuvisha, ĩñesu hỹnonderã heishu: “Shyrajy rãnga kurite mano, tẽvã reho ndepo rĩñono'ĩãrẽrã, kuerajypo”.

Lucas 4:27

Heta'ẽjy kuru porãmbava Israelpe Tũpa ĩñee mbeu'ia Eliseo jy'arape; tẽvã mba'ety haire mbytepe'õ mynguerahava, koñeĩmba Naamán Siriape'õ.

Juan 9:38

Hãma kuimbai ĩñesu Jesús hỹnonderã heishu: Airoja ndyrehe, Sheja.

Hechos 10:14

Pedro hei: Mba'ety, Sheja! Mapeãpo hau so kyashuva Tũpa, hareka porãmbashuva. Shara kuatia mbyparahavape ñonohã ore kyrãva mymba hoo ho'ua verã.

Hechos 10:25

Pedro iche oo iperã, Kornelio õhẽ mỹvãhẽshu hareka ĩñesu hỹnonderã, õmombaishu.

1 Corintios 14:25

kyrã heshakavipo pyaperevare, hãrã ĩñesupo õmombai Tũpa hareka kuaapo ãñete Tũpa ẽvã pynymbytepe.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.