Mateo 7:7 - NandevaBiblia

⁷ Pirure, hareka Tũpa meẽpo pee; pyhekava hareka hai heshakapo pee; pyhẽnoshu hõchepe, hãrã hai peapopekui.

Mateo 7:7 Iomraidhean Croise

Mateo 18:19

She hai jyve pee, mõkue peeva piñiñono pente ñeepe ko yvy'ĩãrẽ, pee pota pirureva ñymboipe, Sheru arapy'õva ẽvãpe meẽpope.

Mateo 21:22

Opava maĩnunga pee pirureshuva Tũpa, pirojakue rupii pipitypo.

Mateo 6:33

Haikaviveva rãnga pyheka tynonde Tũpa huvisharã'õpe'õ ryheva hareka hekope kavi'õ. Tũpa meẽpope opaite jy'arape mba'etypeva.

Mateo 7:11

Pee piniñarõva, mbai haikavivaĩ pymeẽshu pyndyrayre, ñopyĩara hai Peru vate arapy'õ, mbai haikavivapo meẽshu jurureshuare.

Mateo 7:8

Jurureva rãnga me'ẽãposhu, hekava vãhẽposhu; hareka õche nũpava pe'aposhu.

Marcos 11:24

Hãrã hai pee, opa mba'e pirureheva pimboimapeĩrã, pyroja ĩmemapyre verãrã, me'ẽãñoĩpope.

Lucas 13:25

Haivi oo ija pũãma mboty õcherã, katuape pee pimepẽĩva, punupapo hoka õche, hãrã perepo: “Sheja, pea ore”. Tẽvã hai heipope: “Apyrykuãã hareka aikuãã maivi peivara”.

Lucas 18:1

Jesús mbeushu reta pente ñee ñymyhã'ãnga mboishu verãre, ñymboiñoĩ verãre, hareka ñymykangymbape.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 15:7

Pẽĩkatu jyve shyreherã, hareka pijapojyve she haivarã, pirurehe pipotava hãrã mẽ'ẽãpope.

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Romano 3:11

Mba'ety kuaava, mba'ety hekava Tũpa.

Hebreos 11:6

Tẽvã katuã ñambyvyashu Tũpa jairojããrã, shara ĩme'ẽ pota Tũpa kyty ñymbojava rojañoĩpo hai ĩme'ẽva hareka mbyhepyshu hekashuvare.

Santiago 5:15

Hãrã ñymboi jyrojakue ryheve japoava mynguerapo ñymbairasyva, hareka Ñandeja mupuãjypo; ĩme mbai porãmba japorã, hejahareiiposhu.

1 Juan 3:22

Hãrã me'ẽãpo ñandekui opa mbai jairureshuva, shara jajaposhu hai potava hareka jajapo hỹnonde hai mbyvyava.