Mateo 7:24 - NandevaBiblia

²⁴ Hãrã ĩme'ẽ henduva shiñee hareka hekope kavi japova, ova pente kuimbai ñy'ãrãnduva, hoorã mupuãva ita ĩãrẽ.

Mateo 7:24 Iomraidhean Croise

Mateo 12:50

Ĩme'ẽ japova Sheru vate'õ arapy potava, hokava hai shyryvy, shiindy hareka shesy.

Mateo 16:18

Hãrã haijyve, nde hai Pedro. Ko ita ĩãrẽpo amupũã shyrehe jyrojavare, hareka ñymano katuãpo jepyãpohe.

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Mateo 25:2

Ko kuñatãi mbytepe 5 ẽẽ kuamba ijupeare hãma 5 ĩrũre kua'ihaivare.

Mateo 25:4

tẽvã kuaa ijupehaivare, raha ñymbai rẽndyka hareka ñandy hyru ryheve.

Mateo 25:9

Kua ijupe haivare heishu reta: “Mba'ety, kyrãrã opaitevapo mbaimbape japytakui. Pekua peva pã'ãporã”.

Mateo 7:25

Haivi ou haivirã, ysyry jitivisha, yvytu ñakua pejurã oho'ẽhe oo, tẽvã o'ãã, shara ita vasu jypyrã'ẽshurã.

Mateo 7:26

Hãrã opaite henduva ko shiñee, tẽvã japoãrã, ova ko kuimbai mbaimba kuava hoorã mupuã vekua yvyku'i ĩãrẽ.

Lucas 11:28

Jesús heishu: Vy'apo jyve Tũpa ĩñee hendu hareka japova!

Juan 13:17

Pikuaa kavi kovarã, hareka pijaporã pyvy'apokui.

Juan 14:15

Shyraihupirã, pynatupo she haipeva.

Juan 15:10

Pijapo she haivarã, pikopo jyve jyhaihu ĩme'arevape, Sheru heiva opa ajaposhurã aiko jyhaihukue hai ĩmerevape.

Juan 15:14

Pee rãnga hai shi'ĩrũre, pijapo she hai peevarã.

Romano 2:13

Shara Tũpa mbyheko kaviã Moisés mbypara vekua hẽndupeveĩ'ia, koñeĩ hendurã japovaĩ.

1 Juan 2:3

Haereka ñande jajapo Tũpa potavarã, katuma opa jajapo, shara jaikuaa kavi jaikuama jareshua.