Mateo 7:13 - NandevaBiblia

¹³ Piche õche mishĩĩvaipi pyryrahava Tũpa huvisharã'õpe. Shara tivisha hai õche hareka pe pyryrahava Ãña ẽvãpe, javaiã javatahupi, hãrã heta'ẽjy icheva hokava õcheipi.

Mateo 7:13 Iomraidhean Croise

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 3:8

Tijyhesha pyndyrehe pyhejama mbai porãmba pijapo vekua.

Mateo 7:14

Tẽvã õche hareka pe ohova tykove kyty mishĩĩ hai, javai javatahupi. Hãrã mbovyĩ'ẽ vãhẽshuva.

Lucas 14:33

Kyrã, ĩme'ẽ peeva opa kavimba heja opava maĩnunga ĩmerevarã, katuãpo ikoshi amboi'area.

Lucas 9:33

Haivi Moisés hareka Elías Jesús syrymashi retarã, Pedro heishu: “Pyrỹmboi'ia, ajeteiarãngambaje kope ĩmehã'ẽrã! Tijapoha mbahapy oo rãĩmi: Pentepo na'ãporãkui, ĩrũpo Moisés pevarã hareka ĩrũpo jyveshukui Elías”. Tẽvã Pedro kuãã hokava hei'õ.

Juan 10:9

She hai õche; she rupii icheva, ohojepepo; iche hareka õhepo koraivi avishare rãĩmi, hareka vãhẽñoĩposhu hou verã.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Romano 9:22

Tũpa, pota heshaka marãra hai purũnupa, hareka heshaka verã pyrãtãkue, heta hãrõkuaatẽ timbipory tujuivi japoava, haiva kuaretare mbyposhykarevare, ẽẽshua jaheahe verãre hareka jyvarehahe verã.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

2 Corintios 6:17

Pẽhẽshi haire mbyteivi, hareka pysyryshi; avy pypokohe mbai kyavare hãrã she apyrỹmyvãhẽpokui.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Filipenses 3:19

Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 20:15

Hareka heere ñonohãmbaa kuatia tykove ryhevape, momboha reta tata vasupe.

Apocalipsis 20:3

Hareka mombo yvykua vasupe, haipe mboty'ĩãrẽ ñonojyhe pente sello õchere õhẽmba mbytavyjy verã tenta vasu retape opa mbotypeve 1.000 ãño. Haivi mbovy araĩpo jorahajykui.