Mateo 6:9 - NandevaBiblia

⁹ Tẽvã pee kyrãpo pirure: Yreru vate arapy rĩmerẽĩva, avy tymyngy'aha ndyree.

Mateo 6:9 Iomraidhean Croise

Mateo 10:29

Ovendehããra mõkue vyra kyrypoti mbovyĩ'ia repy? Tẽvã penteãpo mano Teru he'ĩãrã.

Mateo 23:9

Hãrã avy mbavape pyheno sheru ko yvy ĩãrẽ, shara penteĩ'ẽ pee Ru vate arapy'õ.

Mateo 26:29

Hãrã she haijy pee, koivive hauveamapo uva tyy, haujy verã arapeve penendie py'ahuva, Sheru mburuvisha vasurã.

Mateo 26:42

Hãrã hykuãĩ mokueheare kyrãĩ oho jururejy: Sheru, katũã rymbyhasa shyhevi ko jepy'apyrã, japo nde ripotava rãĩmi.

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Mateo 6:14

Pee pyhejareiishi mbai porãmba japo pyndyrehevarã, Peru vate arapy'õ hejareiipo jyve pyndyhevi mbai porãmba pijapo vekua,

Mateo 6:6

Nde rirure potarã, iche ndero'ipe, mboty nyrõche, hãma jurureshu Nderu neĩĩ rẽĩvape. Kyrã Nderu hesha ko neĩĩ rijapovarã, hetavare hỹnondepo opa mbyhekoviajyndekui.

Mateo 7:11

Pee piniñarõva, mbai haikavivaĩ pymeẽshu pyndyrayre, ñopyĩara hai Peru vate arapy'õ, mbai haikavivapo meẽshu jurureshuare.

Lucas 15:18

Ãpũãpo aha sheru ẽvãpe haiposhukui: Sheru, porãmba rãnga ajapo nynonde hareka Tũpa hỹnonde;

Lucas 15:21

Hãrã tay heishu: “Sheru porãmba rãnga ajapo nynonde hareka Tũpa hỹnonde; katuveama shyrenohã ndyra'yrã”.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

Romano 8:15

Shara me'ẽhãpe espiritu pikojy verã jokuehareirea rãĩmi, pykyjeĩpijy verã. Kyrãtẽ verã, Espiritu japo pyndyhevi Tũpa tayre rãĩmi, hai rupii katu ja'eshu Tũpa: “Abba Teru!”

Galatas 1:1

She Pablo, apostol, haimbaa kuaretare ñonova hareka kuaretare mondova, koñeĩ Jesucristo rupii hareka Tũpa, Jesúspe mupuãjy vekua manovare paũvi.

Galatas 4:6

Hãrã haima ñande tayrã, Tũpa ñonomba Tay jy Espiritu ñandypyape, hoka Espiritu sapukerã hei: “Abba” he'iseva “Sheru!”

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

1 Pedro 1:17

Pee pyhẽno “Sheru” Tũpaperã, mbivachekava pepenteĩ mbai japova rehe mbavapemba mbivavyva, pikoteri ko yvy'ĩãrẽrã pykyjeposhi Tũpa.

Apocalipsis 4:11

“Yreja hareka Yreru, ndeñõi ẽẽ nde nemomba'ea verã, he'ia ndyrehe haikaviteva hareka ñymbai katuiteva; shara nde opa rijapo opa maĩnungare, nde ripotava rupii iko hareka japoha reta”.

Apocalipsis 5:12

hỹnatu sapukerã hei reta: “Avisha Ray jukaha vekua ẽẽshu pysyma verã mbaikatu hareka ikokatukue, ãrãndu hareka pyrãtakue, mbyveteha verã, õmomba'eha verã hareka pyraheashu verã”.