7 Vy'apo reta hapisha parekova, Tũpa parekoposhu reta.
Pimboipeĩrã, pyhejareiishu ĩmepyre porãmba papisha hãndirã, hãrã Ñanderu vate arapy'õ, hejareiipo jyve pyndyhevi porãmba pijapo vekua.
Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.
Shara ara hasavape, ñee pyhenduããshu Tũpa; tẽvã ã'ẽ israelitare ñee henduãã retarã, Tũpa pyndypareko.
Taupe omendambaterivare mba'ety'are japoha verã Tũpa ryheva ambeushu verãre, tẽvã haiposhu reta, hareka katu piroja shyrehe, Ñandeja meẽshe shyparekorã jyrojaha shyrehe verã.
Hãme rãnga yrỹkyrẽyñoĩ, shara Tũpa jypareko rupii meẽ ore japoha verã,
Pyndypya kavi pindijupive, hãndi pijypareko hareka pyhejarei ijuhuvi mbai porãmba pijapo vekua, Tũpa hejareii pyndyheviva rãĩmi Cristo rupii.
Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.
Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.
Tẽvã Tũpa shypareko, Jesucristo heshaka shyrehe verã tynonde ñyharõkuaa hareka shypory verã ma'ẽãhe verã rãĩmi opaite jyrojahe verãre pevarã, hipity verã jyve tykove opambava.
Hãrã jyrojakue ryheve ñaĩmbojahe Tũpa ñandyraihuva vapy'õpe, ñandypareko verã, hareka ñavãhẽshu verã pyakavi ñaikotẽverã.
Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.
Pyryparekombavare, mbivachehakapo parekohambape, tẽvã pyryparekova hasa kaviposhi ara pirĩmbivacheha verãĩvi.
Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.
Aryka'e rãnga ha'eãmbape Tũpa henta'ĩrũ ryheva, tẽvã ã'ẽ haimape Tũpa henta'ĩrũrã; aryka'e mba'ety pyndyparekova, tẽvã ã'ẽ Tũpa pyndypareko.
