Mateo 5:3 - NandevaBiblia

³ Vy'apo reta je'espiritupe pavete'ia, shara haire pevãrã hai huvisha vasu vate arapy'õ.

Mateo 5:3 Iomraidhean Croise

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Mateo 11:6

Vy'apo shyrehe poimba jyrojava hareka shyrejambava.

Mateo 13:16

Pyvy'apo pee, shara pyhesha pyndyresa rupii, hareka pyhendu papysa rupii.

Mateo 19:14

tẽvã Jesús hei: Pyma'ẽĩhe sanjayre tou shyvache hareka avy pijocha, shara haire rãĩmiva Mburuvisha vasurã vate araivi ouva.

Mateo 24:46

Vy'apo jokuehareirea, jokue'õ oujy hesha opakavi japoshu heishuvarã.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 8:11

Hãrã haijy pee, heta'ẽ ou verã kuarasy õhẽãivi, hareka kuarasy icheaivi, hãrã vapypo Abraham, Isaac hareka Jacob, karuvasu hãndi verãre huvisha vasu vate arapy'õ,

Marcos 10:14

Jesús hesha hokavarã poshype heishu reta: Pyma'ẽĩhe sanjayre tou shyrẽndape, avy pijocha; shara haire rãĩmivã retaĩpo ichekui Tũpa ẽvãpe.

Lucas 11:28

Jesús heishu: Vy'apo jyve Tũpa ĩñee hendu hareka japova!

Lucas 18:14

Hãrã she hai pee ko henta'õre mbyhepyva okora'ia ohojy hentape Tũpa hejareiimashia mbai porãmba vekua. Tẽvã fariseo kyrãã hai. Hãma ĩme'ẽ ha'eii vateve iñiñono'iarã, mbaimbava rãĩmipo japoha, tẽvã õñemomishĩĩvã, vatevepo ñonõha.

Lucas 22:29

Hãrã sheteivapo apirĩñono huvisha vasurã, Sheru shiñonova rãĩmi,

Lucas 22:30

pykaru verã hareka pimbyu verã jyve shymesape avapyape. Haivi pyvapypo mburuvisha vasu vapypyape, pimbivachekashu verã 12 kavi'õ tenta Israelvare.

Lucas 4:18

Ñandeja je Espiritu ẽẽ shearẽ, hai shymbyheko kavi ãmbeuverã Ñee Kaviva pavete'ia retape. Shymbou amynguera verã ojepy'apy'iare; amohẽjy verã mbypereso vekuare, hareka heshajy verã kũvaĩpi heshambare; apoikajyshi verã jopya porãmba'õre;

Juan 20:29

Jesús heishu: Tomas, shyreshamarãra shyroja? Vy'apo opaite jyroja vekuare, shyreshambatẽãre.

Santiago 1:10

hãrã ikokatuva tyvya Tũpa mimishĩshurã. Shara ikokatuva opapo jipi pente yvoty ñuhupi'ova rãĩmi.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

Apocalipsis 19:9

Tũpa jokueva heishe: Mbypara kova: “Vy'apo opaite hẽnohakavare Avisha Ray omendavape”. Haivi heishe: “Kovare hai ñee añeteva Tũpa ryheva”.

Apocalipsis 22:14

Vy'apo mondeva joheñoĩvare, shara hipitypo yvyra'ia tykove opamba meẽva, hareka iche verã tenta hõcheipi.

Apocalipsis 3:17

Tẽvã nde rere rikokatuva, opa mbai ohokavindea, tẽvã rikuãã rymondo ndijehe rymbasy verã hareka mbai mba'etyape, ndypavete, ryheshamba kũvaĩpi hareka nynaniã.