Mateo 5:29 - NandevaBiblia

²⁹ Ndyresa ndakata kyty'õ ndirity mbai porãmbaperã; nohẽ mombo mbyry, haikavivepo mishĩĩ õñehũndi ndyrete, mahẽ opaĩ ndyrete mombohakui tata vasupe.

Mateo 5:29 Iomraidhean Croise

Mateo 10:28

Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Mateo 11:6

Vy'apo shyrehe poimba jyrojava hareka shyrejambava.

Mateo 16:26

Mbaivara me'ẽãpojyshu kuareta ko yvy'ĩãrẽ ĩmereva, hykove mba'etymarã? Mba'etyva! Mbaivara kuareta meẽpo kuerajy verã? Mba'etyva.

Mateo 17:27

Kyrãrã, potamba poshy ñande verã mbava, ekua ity nipinda yyvasupe, tynonde pira rynohẽva jurupy rymaĩrã ryvãĩposhukui nikere ñande pevãrã, raha meẽshukui hokava.

Mateo 19:12

Hãrã heta mbai rehe rãnga kuimbaire hyrekoã; ĩme'ẽ oarãvãĩ ñymbairã hyrekomba verã, hãrã ĩme'ẽjy yngava omendambava shara kuareta ñymbai jeperã, tẽvã ĩme'ẽ omendambava shara huvisha vasu vate arapy'õ ryhevare mba'aporã. Hãrã ĩme'ẽ katu japovarã, tijapo.

Mateo 23:15

Tengapope Moisés mbypara vekua pyrỹmboi'iheare hareka fariseore, hova mokue'iare! Peho opa rupii ko yvy'ĩãrẽ hareka yyvasu hỹmbeyipi pyheka pyndyryhevarã hãrã hokava pijapomarã pijaposhi Ãña tay mokuejy pyndyheviva.

Mateo 23:33

Pee mboi rayre! Marãrapo peho jepeshikui ñunũpa tata vasuivi?

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Mateo 5:30

Ndepo ndakata kyty'õ ndirity mbai porãmbaperã; jasyja mombo mbyry, haikavivepo mishĩĩ õñehũndi ndyrete, mahẽ opaĩ ndyrete mombohakui tata vasupe.

Marcos 8:36

Mbaivara mbijehupo pente kuareta opaĩ ĩmere ko yvy'ĩãrẽ'õvarã, manoshirã?

Lucas 12:5

Ambeupo pee mbavaivirapo pykyje: Pykyjeshi katu hekyva pyndykove, haivi rekova mbaikatu piririty verã tata vasupe; She hai pee, pykyjeshi hokava.

Romano 6:6

Jaikuaa kavi arykai jaiko vekua rãĩmi, mbysavavahava kurusure Jesucristo hãndi, kova porãmba jaiko vekua rãĩmi mby'opaha verã hareka jyve jaikoveama jaijokuekashu verã mbai porãmba.

Romano 8:13

Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

1 Corintios 9:27

Kyrãte verã, amungungue shyrete hareka amiñerã japoshe verã, mahẽ yngava retape añimiñee aishuape, shimbijicheajykui.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.