Mateo 5:22 - NandevaBiblia

²² She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Mateo 5:22 Iomraidhean Croise

Mateo 10:17

Pingareko pijehe, shara kuaretare piniñonopo mburuvishare ipope, punũpaha verã Judiore ñymbatyseape.

Mateo 10:28

Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Mateo 12:24

Fariseore hendu kovarã hei: Hai rãnga mohẽ mbaiposhyre juhuvisha Beelzebu ñymbaikatu rupii.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Mateo 18:21

Hãrã Pedro ñymboja Jesús ẽvãpe heishu: Sheja, mbovyjyrapo ahejareiishi shapisha, porãmba japo shyreheva? 7 jyrapo?

Mateo 18:35

Hãrã Jesús hei: Kyrã jyve Sheru arapy'õ japopo pyndyrehe pepenteĩ, pãtẽỹ pyhejareiishi pyndypyaivive papisharã.

Mateo 23:15

Tengapope Moisés mbypara vekua pyrỹmboi'iheare hareka fariseore, hova mokue'iare! Peho opa rupii ko yvy'ĩãrẽ hareka yyvasu hỹmbeyipi pyheka pyndyryhevarã hãrã hokava pijapomarã pijaposhi Ãña tay mokuejy pyndyheviva.

Mateo 23:33

Pee mboi rayre! Marãrapo peho jepeshikui ñunũpa tata vasuivi?

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 26:59

Hãrã pai juhuvishare hareka kuakuavare ñymbatyse'õpe, heka ñynõĩ mãrãrapo ñee ãñetemba poryhe reta, ñono vaishu verã Jesús hareka jukaka verã.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Mateo 5:34

Tẽvã she hai pee: Avytei mbaimbape pymeẽ piniñee. Avy pymeẽ piniñee vate arare, shara Tũpa vapypya ẽvãpe hai hokava;

Mateo 5:44

Tẽvã she hai pee: Pyhaihu pyndyreshatamba'iare, pimboihe piniñono porãmba'iare;

Marcos 14:55

Hãma pai juhuvishare, Judiore juhuvisha heka ñynoĩ marãrapo ñono vaishu reta Jesús jukaka verã; tẽvã vãhẽãshu reta.

Marcos 15:1

Hãma kõĩmarã, ñymbaty ijeta reta pai ruvishare, Moisés mbypara vekua pyrỹmboi'iheare, Judio juhuvishare, hareka opaite pirĩmbivacheka'iare. Haivi raha reta Jesús opa popokuahavape hareka ñono reta Pilato ipope.

Lucas 12:5

Ambeupo pee mbavaivirapo pykyje: Pykyjeshi katu hekyva pyndykove, haivi rekova mbaikatu piririty verã tata vasupe; She hai pee, pykyjeshi hokava.

Lucas 22:66

Kõĩmajyrã, ñymbaty reta karai kuakuavare, hoka tentape'õre, pai ruvishare hareka Moisés mbypara vekua pyrỹmboi'iheare. Haivi raha reta Jesús ñymbatyha'õperã, haipe pyrãndushu reta:

Juan 11:47

Haipe fariseo hareka pai ruvishare ñymbaty hãndi Judiore juhuvisha retarã hei: Mbaivarapo jajapo? Ko kuimbai rãnga heta mbaikavi heshaha verã japo.

Juan 15:25

Tẽvã kyrã jehu shara ikoñoĩpo ñee mbyparahava haire jykuatiape'õ: “Shyreshatããrei jyre”.

Juan 7:20

Kuaretare heishu: Mbaiposhy rãnga nymbykuakuã'i! Mbavara pota nduka'i?

Juan 8:48

Hãma Judiore heishu Jesús: Añeteva rãnga he'ia, he'ia nderã, nde hai Samariape'õ, hareka mbaiposhy ĩmeryre.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Hechos 22:30

Pareejyape syndarore juhuvisha pota kuakavi mbaiva rehera Judiore poshyjyre hãndi Pablo, kadena hekyshi reta hareka mondo ñymbaty verã pai juhuvishare, opaite pyrymbarakua'iare. Hãrã nohẽshu reta Pablo hareka hỹnonde ñono reta.

Hechos 23:1

Pablo maĩ'ihe haipe huvisha ñymbaty'õ retarã hei: Shyryvyre, ã'ẽpeve aiko shãka vapy kavi ryheve Tũpa hỹnonde.

Hechos 24:20

Maĩrã kope ĩme'õre tymbeu, ĩme hesha shyrehe porãmbava ajaporã Judiore juhuvisha pirĩmbivache'iare hỹnonde ãĩme ãĩrã.

Hechos 4:15

Hãrã heishu reta õhe verã hokava ñymbatyha õĩvi, ha'ei retaĩ ijupii ijeta verã.

Hechos 5:21

Kova hendurã ko'ẽĩ iche reta tũpaope pyrỹmboi verãre. Haipevãĩ pai juhuvishare hareka ẽẽ hãndiare, mbaty reta Judio juhuvishare ñymbatyhaseape opaite kuakuavare Israelpe'õre hãndi, haivi mondo veruka reta Apostolre pyrymbyperesohaseaivi.

Hechos 5:27

Hãrã verumarã ñonoshu reta conciliope ñymbatyhasea hỹnonde haima pai juhuvisha heishu reta:

Hechos 6:12

Kyrãpypei opa mbi'ikorai kuaretare, kuakuavare hareka jyve Moisés mbypara vekua pyrỹmboi'iheare; hãrã opa ou ĩãrẽrã, pysyshu retarã raha reta Judio mburuvisha vasu ñymbaty'õpe.

Hechos 6:15

Hãrã opaite mburuvisha ñymbaty'õpe vapy ovare maĩhe Esteban, hareka hesha reta hova, pente Tũpa jokueva hova rãĩmi.

Hechos 7:37

Moisés teiva heimbashu arykai Israelita ñymoñashiare: “Tũpa mboupokui tyvyre mbytepe pente ñimiñee'ia, she shymbouhava rãĩmi”.

Romano 12:10

Pimoña hãndia rãĩmipo yngavape ryhaihu jyve, hareka pijapo kavi ijehe.

1 Corintios 6:10

manarõ'iaretambaa, kateỹvaretambaa, kau'iaretambaa, jytaupe'ia retambaa, yngava hapisha ijeta'iheare, hareka pyrỹmbytavy'ivare, kyrãvare mbaveãpo ichekui Tũpa ẽvãpe.

1 Corintios 6:6

Katura jyrojavare ñymembeu reta pente pirĩmbivache'ia jyrojambahea hỹnonde?

1 Tesalonicenses 4:6

Avy mbava kova mbai rehe tijapo mbai porãmba hareka tymbytavy hapisha, shara Ñandeja purũnũpa kova mbai rehe, pyndyrykyjehava rãĩmi.

Tito 3:2

Avypo mbava ijeta porããhe yngavare hareka avypo potaĩ ñyrãrõjyre, pyryraihupo, heshakapo heko kavikue opaite kuareta retape.

Hebreos 12:25

Pingareko kavi avypo pimbijiche ijeta ñandeva. Shara ohojepeã reta potamba henduvare ko yvy'ĩãrẽ mbo'ea retarã, ñande pevarã javaipo jyve jahajepe verã jyve potaã ñahendu vate araivi ñanymboivarã.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Santiago 2:20

Avy mbaimba kuaava rãĩmi'i, rikuããra jyrojakue ohoã hãndi jajapovarã, mbaivapeã haikavirãme?

Santiago 3:6

Ñaneku rãnga tata rãĩmi jyve, pente yvy'ĩãrẽ'õ porãmba ñandyretere ẽvã, opa myngya tyrete, hendykue tata vasuivitei ou hareka opa hapy ñandyrykove.

1 Pedro 2:23

Hehe'iha'ẽshurã hai mba'eãmba hei, jyvarehareherã mapeãmba porãã ijetashu reta, opaimba heja Tũpa ipope, hekopekavi pirĩmbivacheka'ia.

1 Pedro 3:9

Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape,

1 Juan 2:9

Ĩme'ẽ heiva sapeha'õvape aiko tẽvã tyvy mymorã'irã, ĩmeĩteri'ẽ timimbivape.

1 Juan 3:10

Kyrã ijykuaa mbavara hai Tũpa tayre hareka Ãña tayre, shara opaite mbai haikaviva japombava hareka tyvy Cristo jyrojahea haihumbaa ha'ẽã Tũpa tay.

1 Juan 5:16

Ĩme'ẽ hesha tyvy jyrojava jyve japo pente mbai porãmba ñymanope pyryrahambavarã, jururepo'ĩãrẽ hãrã Tũpa meẽposhu tykove hokava kuareta, ha'ẽã mbai porãmba ñymanope pyryrahavarã. Ĩme'ẽ pente mbai porãmba ñymanope pyryrahava, hareka she ha'ẽãpe pirure'ĩãrẽ verã kova mbai poramba japovare.

Judas 1:9

Miguel, Tũpa jokueva juhuvishateiva kyrã japo jyve Ãña ñyrãrõ hãndirã vekua, hekyshi verã Moisés hetekue, tẽvã jaheãhe, koñeĩ heishu: “Ñandeja tijahe ndyrehekui”.

Apocalipsis 20:14

Haivi mano hareka manovare ẽvape'õre momboha tata vasupe. Kova hai ñymano mokuehea.