Mateo 5:19 - NandevaBiblia

¹⁹ Hãrã ĩme'ẽ mbijicheva ñee japoa verã hareka mishĩmba japova, kyrã pyrỹmboi'ihea, haipo mishĩveva huvisha vasu vate arapy'õ. Tẽvã Moisés mbypara vekua japo kaviva, hareka pyrỹmboihea, haipo vateve ñonohakui huvisha vasu vate arapy'õpe.

Mateo 5:19 Iomraidhean Croise

Mateo 11:11

Añeteva hai pee, mba'ety kuaretare mbytepe vateveshia Juan Bautista. Tẽvã huvisha vasu vate arapy'õ kuareta mishiveva, vateveshi Juan.

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 20:26

Tẽvã pynymbytepe ha'ẽã kyrãĩ verã. Ĩme'ẽ pota vateve'ia pynymbyteperã, opava retapo jokuereiishu,

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Lucas 1:15

Shara ndyray haipokui pente kuareta mbaivasuva Ñandeja hỹnonde. Ho'ũãpo vino pyrỹmyngauva, hareka ndeiteri oarãvãĩpo tynyhẽ Espiritu Santo.

Lucas 11:42

Tengapope fariseore! Pymeẽva Tũpa ña'ãpova diesmo, menta, hareka ruda ryheva, hãndi opaite tĩmĩtykue; tẽvã pimbijiche hekope kavi'õ hareka Tũpa jyhaihukue. Hoka'ẽhai pijapo verã, pymeẽñoĩpo diesmo, tẽvã pypyryhaihupo hareka pyndyreko kavipo.

Lucas 9:48

Jesús heishu reta: “Shyreepe myvãhẽva ko sanjaymi, she shymyvãhẽ. Hãrã she shymyvãhẽva, myvãhẽ jyve Sheru shymbou vekua. Hãma kuareta sanjaymi rãĩmi'ia pynymbytepe, hokava hai mbai vasuveva”.

Hechos 1:1

Kuatia tynonde ambypara nde Teofilo, aijetahe opaite mbai Jesús õñepyrõ japova hareka pyrỹmboihe vekua,

Romano 3:8

Kyrãrã, marã'ĩrãra japohãã porãmbava, haikaviva ou verã? Hokava rãnga he'iha she kyrã amboiva, pota porãã ijetaha shyreherã. Kyrã heiva haikavi jaheahe verã.

Romano 6:1

Mbaivara jaipojy? Mbai porãmba vekuaĩrapo jajapojai Tũpa hejavereii ñandyhevi verã?

Romano 6:15

Hãmera marããjy? Mbai porãmba vekuaĩrapo jajapojai ñaĩmeveama Moisés mbypara vekuaperã, Tũpa jyhaihukuepe ñaĩmeñaĩrãme? Mba'ety rãnga!

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

1 Pedro 5:4

Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.

1 Juan 3:4

Opaite mbai porãmba japo'iare, japoãã Tũpa ĩñeepe heiva, shara mbai porãmba he'ise ñee hendumbaa.

Apocalipsis 2:20

Tẽvã ĩme'are pente mbai shypya'ohombahe ndyheviva: Rỹma'ẽĩhe Jezabel taupe ñimiñee Tũpa heepe, mbytavy shyryhevare, mboishu reta ikoĩ hãndi verãre taupe omendambape hareka hou verã ho'uavare me'ẽãva ta'angape.