Mateo 5:18 - NandevaBiblia

¹⁸ Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.

Mateo 5:18 Iomraidhean Croise

Mateo 10:15

Ãñete hai pee: Ñimbivache arape, ñunũpa haire pevarã teitevepo hoka tenta Sodoma hareka Gomorrape vekuaivi.

Mateo 10:23

Hãrã kuaretare pynymoña pente tentaivirã, ynga tentape pekuajy. Ãñete hai pee, kuareta Tay oujypo ndeiteri opa kavi pyvata tenta Israelperã.

Mateo 10:42

Ĩme'ẽ meẽva yy rỹ'ỹsami amboi'areaperã, ãñete hai pee Tũpa myngoviañõĩposhu.

Mateo 11:11

Añeteva hai pee, mba'ety kuaretare mbytepe vateveshia Juan Bautista. Tẽvã huvisha vasu vate arapy'õ kuareta mishiveva, vateveshi Juan.

Mateo 13:17

Ãñete hai pee, heta Tũpa ĩñee mbeu'iare hareka kuareta pya kaviva potatẽ hesha ko pyheshava, tẽvã heshã reta; haire kyrẽỹte hendu ko pyhenduva tẽvã henduã reta.

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Mateo 17:20

Jesús heishu reta: Sa'ite pirojarã. Ãñete hai pee, pirojakue mbairãỹ mishĩva rãĩmirã, pereposhu yvyturusu: “Syry koivi, ãupe syryjy”, japoĩpo jyvepe. Opa mba'e katu pijapo.

Mateo 18:18

Añeteva hai pee, pee piñapintiva ko yvy'ĩãrẽ, ñapintiãpo jyve vate arapy, hareka pee pijora ko yvy'ĩãrẽva jorahapo jyve vate arapy.

Mateo 18:3

hei: Ãñete hai pee, piko vekua rãĩmi pyhejããrã hareka pikoã sanjay rãĩmirã picheãpo huvisha vasu vate arapy'õ ẽvãpe.

Mateo 19:23

Haipe Jesús heishu mboireare: Ãñete hai pee, javaiposhu hai ikokatuvare iche verã huvisha vasu vate arapy'õ ẽvãpe.

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 21:21

Jesús heishu reta: Ãñete hai pee, piroja pyndypya mokuemba ryheverã, ko igo jypyre ajapova rãĩmi katupo pee pijapo jyve, katupo pereshu yvyturusu: “Syry koivi, ekua eapy yyvasu” hãrã kyrãpo iko.

Mateo 21:31

Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.

Mateo 23:36

Ãñete hai pee, kova mbai porãmba ryheva pijapo vekua, opa ñõĩpo oa ĩãrẽ ã'ẽva kuaretare.

Mateo 24:2

Jesús heishu reta: Pyheshara opaiteva kova? Ãñete hai pee, penteãpo pytakui ita jyvohy'õ. Opaitepo oarã ñymbai.

Mateo 24:47

Añeteĩteva haipe, oo'ija opaiteapo ñono ipope ña'ãpovare.

Mateo 25:12

Tẽvã hai heishu reta: “Ãñeteĩte hai pee, she apyrykuãã”.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 25:45

Mburuvisha heiposhu reta: “Ãñeteĩte haipe, hoka pijapo mbavekua pente mishĩveva rehe, pijapoã jyve shy rehe”.

Mateo 5:26

Ãñeteĩte hai nde, rẽhẽjyvyãpo haivi, opa rỹmbyhepyjy peve Juez ñonondea.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Mateo 6:2

Hãrã rymbory ikotẽvẽvarã, avy mbeu'i oparupi. Japosea rãĩmi hova mokue'iare Judiore ñymbatyseape hareka vataha'õ retaipi; haire kyrã japo ijetaha kavihe verãre. She haima pee kyrã haire opama mbyhekoviashu reta.

Mateo 8:10

Jesús kova haĩrãã hendurã, mbyrymaĩ hareka oho hãndiare heishu: “Ãñete hai pee, Israelvare mbytepe aheshããteri ko kuimbai rãĩmi kyrã jyrojahea Tũpa.

Marcos 10:15

Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.

Marcos 10:29

Jesús heishu: Añeteĩteva hai pee, ĩme'ẽ shyrehevape hareka Ñee kaviva rehe hejava hoo, tyvy, hiindy, tuu, ishy, hyreko, tayre maĩrã jy'yvy.

Marcos 11:23

Añeteĩteva hai pee, ĩme'ẽ heishuva ko yvyturusu: “Syry koivi hareka ekua'ea yyvasupe”, pyape pyhumba ryheverã, koñeĩ roja heiva ikoñõĩshu verãrã, ikoposhu hai heiva.

Marcos 12:43

Hãrã Jesús hẽnoshu mboirea retarã heishu: Añeteĩteva hai pee, ko ĩme manoshia pavetetẽva kyrypoti hyrupe hetave ñono opava retaivi.

Marcos 13:30

Ãñeteĩte hai pee, opapo iko kova mbai ndeiteri ã'ẽ ĩmeĩteri'iare, opa manorã.

Marcos 14:18

Haipe mesape karuma ñynoĩrã Jesús heishu reta: Ãñeteĩte hai pee, pente pynymbytepe'õ, akaru'ãĩ hãndiva shymeẽpokui.

Marcos 14:25

Ãñeteĩte hai pee, hauveamapokui ko uva tyy, haujypeve hoka arape vino py'ahuva Tũpa ẽvãpe.

Marcos 14:30

Jesús heishu: Ãñeteĩte hainde, ndei uru mokue ñyrãrã, ko pyhare mbahapyjypo shiñomikui.

Marcos 14:9

Ãñeteĩte hai pee, mamãĩpi ko yvy jerekue mbe'uhavaipi ko Ñee kaviva, mbe'uhapo jyve ko taupe japova.

Marcos 3:28

Añeteĩteva hai pee, Tũpa hejareiiposhu kuimbaire mbai porãmba japo vekua hareka ijeta porãmba'iheare.

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Marcos 8:12

Jesús putuhẽ mondorã hei: Marã'ĩrãra kova kuaretare jurure mbai heshaha verã? Añeteĩteva hai, me'ẽhãpope pota pyheshava.

Marcos 9:1

Jesús heijyshu reta: Añeteĩteva hai pee, ĩme'ẽ kopepẽivã manomba verãre, ndeiteri hesha Tũpa ẽvãpe'õ ryheva ou ñymbaikatukue ryheverã.

Marcos 9:41

Ĩme'ẽ yyintẽ meẽpeva Cristo ryhevaperã, ãñete hai pee Tũpa meẽñõĩposhukui hekovia.

Lucas 11:51

Hãma Abel huvykueivive Zacarías huvykuepeve, jukaha vekua altar hareka tũpao pãũpe. Ãñete hai pee, opaiteva jaheapo pyndyrehekui hokava rehe.

Lucas 12:37

Vy'apo jokuehareireare oo ija oujymarã, hesha ocheã'ẽrã. Ãñeteĩte hai pee, oo ija mondepo jokueharea mondeva hãrã mbyvapypo mesape, hareka oupo ijokueka jyveshu.

Lucas 13:35

Ã'ẽ ndero hejahapo, yvy ikohambaipi, hã'ẽĩma ẽẽ hãrã hai pee shyreshaveama verã, vãhẽpeve hoka ara pere verã: “Tojehovasa ouva Ñandeja heepe”.

Lucas 16:17

Javaĩãvepo opa ara vate'õ hareka yvy, Moisés mbypara vekua ikomba verãĩvi.

Lucas 18:17

Añeteva hai pee, Tũpa jyrojambahea pente sanjay japova rãĩmi, ha'ẽã iche verã Tũpa ẽvãpe.

Lucas 18:29

Jesús heishu: Añetevape hai pee, ĩme'ẽ hejava hoo, maĩrã tuu, tyvyre, hyreko, hareka tayyre Tũpa ẽvãpe'õ reherã;

Lucas 23:43

Jesús heishu: Ãñete hai nde, ko arapepo rĩmerẽi shendiekui vate arape Sheru Tũpa ẽvãpe.

Lucas 4:24

Jesús heijy: Ãñete hai pee, mba'etypo Tũpa ĩñee mbeu'ia haihuhava hentaipi.

Juan 1:51

Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Juan 10:1

Haivi Jesús hei: Ãñeteĩte hai pee, ichemba avishare jykora hõcheipi, yngaipi icheva, hoka hai manarõ'ia hareka heko porãmba.

Juan 10:7

Haipe Jesús hykuãĩ heijyshu reta: Añetevape haijype: She hai õche avishare iche'õĩpi.

Juan 12:24

Ãñete hai pee, trigo hãỹ o'ã yvyperã hareka jaiãrã kyrãĩĩ pyta, tẽvã timity ñotyhãrã hareka jairã hẽñorã hetapo'ia.

Juan 13:16

Ãñete hai pee, katuã jokueharea vateve'ẽshi jokuerea, hareka katuã mondohava vateve'ẽshi mondokava.

Juan 13:38

Jesús heishu: Ãñeteratẽ nde rẽĩ rỹmano shendie verã? Ãñeteĩte hainde, ndeiteri uru ñeerã, mbahapyjypo rerekui shykuambava.

Juan 14:12

Ãñete hai pee, jyroja shyreheva japopo jyvekui opa maĩnunga she ajapova, hareka hetavepo maĩnunga japokui, shara ahajypo Sheru ẽvãpe.

Juan 16:20

Ãñete rãnga hai pee, pijaheopo hareka pyvy'ãpopi, kuaretare vyañynoĩ hairã. Pyvyambatẽvãra, pyvyamba vekua ikoposhikui vy'akue.

Juan 16:23

Hoka arape mbaiveamapo pypyrãndushekui, añetevape hai pee Sheru, meẽñoĩpopekui shyreepe pirureshuva.

Juan 21:18

Añetevape hai nde, arykai nukunumi terirã, rẽĩ kavirã pota rehova kyty reho, tẽvã rykuakuamarã rỹmysymyĩpo ndijyva, hãrã yngava retapo nimimonderã ndyrahakui natẽỹ rehova kyty.

Juan 3:11

Ãñeteĩte hai nde, ore mbe'uha kuaahava, hareka kuaahakape ore hashahava; tẽvã pee pyrojãã mbe'uhapea.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Juan 6:26

Jesús heishu reta: Añeteĩteva hai pee, shyrekapi shara opa pynyvãta apyrỹmyngarurã, ha'ẽã pikuama mbaivara he'ise hoka mbaikavi heshaha verã ajapo vekuarã.

Juan 6:32

Jesús heishu reta: Ãñeteĩte haijype, ha'ẽã rãnga Moisés meẽpeva pãhã vate araivi ouva. Sheruteiva rãnga meẽpe pãhã añeteva vate arapy'õ!

Juan 6:47

Ãñete hai pee, jyroja shyreheva ĩmemare tykove opamba verã.

Juan 6:53

Jesús heishu reta: Ãñete hai pee, pe'ũã kuareta Tay hoo hareka pumbusururuã huvyrã, katuãpo ĩmepyre tykove.

Juan 8:34

Jesús heishu reta: Ãñete hai pee, opaite mbai porãmba japo'iare, iko mbai porãmbava ipope.

Juan 8:51

She añeteva hai pee; shiñee japova, manoveãmapo.

Juan 8:58

Jesús heishu reta: Ãñete hai pee, she ĩmemaĩ aiko arykai ndeiteri Abraham ikorã.

1 Pedro 1:25

Tẽvã Ñandeja ĩñee hai opa ara pevarã, hãrã kova hai ñee py'ahu mbe'uhapeva.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.