Mateo 5:16 - NandevaBiblia

¹⁶ Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Mateo 5:16 Iomraidhean Croise

Mateo 23:5

Hãrã haire opa mbai japovare kuaretare hesha verãĩ. Syvare ñono hareka jyvare, vakapi haikaviveva japymi Tũpa ĩñee; hareka mondevare pukuhe.

Mateo 23:9

Hãrã avy mbavape pyheno sheru ko yvy ĩãrẽ, shara penteĩ'ẽ pee Ru vate arapy'õ.

Mateo 5:45

kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Mateo 6:9

Tẽvã pee kyrãpo pirure: Yreru vate arapy rĩmerẽĩva, avy tymyngy'aha ndyree.

Mateo 9:8

Kuaretare hesha kovarã kyje, hãrã õmombaishu Tũpa meẽshurã rehe mbaikatu kuaretare”.

Lucas 11:2

Jesús heishu reta: Pirurerã pere: “Sheru vate arapy rẽĩva, toñemombai ndyree. Tou rẽĩvãpe'õ ryheva. Tijijapo nde ripotava, ko yvy'ĩãrẽ vate arapy'õ rãĩmi.

Juan 15:8

Sheru õñemombaivasu jyve heta mbai pijapova rupii hareka kyrãrã ãñete iko pyndyhevi she amboi'areare.

Hechos 9:36

Hãrã ĩmemba'ẽ Jopepe pente mbo'eharea Tabita he'iashua, he'iseva griego ĩñeepe Dorcas. Kova taupe hykovepe heta mbai haikaviva japo hareka mbaimba ĩmereva mboryva.

1 Corintios 14:25

kyrã heshakavipo pyaperevare, hãrã ĩñesupo õmombai Tũpa hareka kuaapo ãñete Tũpa ẽvã pynymbytepe.

2 Corintios 9:13

Kova pijapova rupii haire õmombaipo Tũpa, shara haire heshapo ãñete pijapova Ñee kaviva Cristo ryheva, hareka pyhaihu ryheveã pymbaty maĩnunga haire pevarã hareka opaiteva pevarã.

Galatas 1:24

Hãrã õmombai vasu reta Tũpa shara Hai yngai japojy shykove.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Efesios 5:8

Pee rãnga pikopi pyntuape arykai, tẽvã ã'ẽ pikoma Ñandeja jysapekape; hĩmbipevapepo piko, tyrayre hendyape'ia rãĩmipo piko.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

1 Timoteo 2:10

Tijeva jyve mbai kavi japovapy, hãrõashiva rãĩmi kuei taupere Tũpa jokuerevare.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

1 Timoteo 5:25

Kyraĩ jyve mbaikavi japoa vekua ijyhesha jyve, ajemaĩ ĩme'ẽ heshahamba, tẽvã mbai porãmba yngavare japova katuãpo opa ara ñomire.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Tito 2:7

ndeteivapo ryheshaka marãra japoha mbai haikaviva, pyrỹmbo'eahea haikaviva rupii, pya kavipe,

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Tito 3:4

Tẽvã Tũpa Pyrỹmondojepeva heshakama pya kavikue hareka jyhaihu opaite kuaretaperã,

Hebreos 10:24

Hãrã ñañehããpo opaiteva jajepy'apy ijehe, hareka jaijyhaihu, hareka mbai haikavivaĩ jajapo.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

1 Pedro 3:1

Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.