Mateo 5:12 - NandevaBiblia

¹² Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

Mateo 5:12 Iomraidhean Croise

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Lucas 13:34

Jerusalén, Jerusalén, rijukariva Tũpa ĩñee mbeu'iare, hareka itape rijapireiva Tũpa mondotendevare! Mbovyjyra shykyrẽỹte ambaty nymembyre, uru memby mbatyva rãĩmi hỹpãpõka'ipe, tẽvã ndee ripotãã!

Lucas 6:23

Pyvy'apo, hãrã pynytynyhẽpo vy akueivi hokava arape, shara hetavepo mẽ'ẽhãjy pee vate arapy; kyrãi japo jyvehe reta arykaiva Tũpa ĩñee mbeu'iare.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Hechos 16:25

Tẽvã pyhare mbytepe Pablo hareka Silas ñymboiñynoĩ retarã hareka pyraheshu reta Tũpa, haipe ĩrũ mbyperesoareare jasaka ñynoĩhe reta.

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Romano 5:3

Ha'ẽã kovaĩ, javya jyve jyhasa'asype, shara jaikua kova verupo ñande ñyhãrokuaa,

1 Corintios 3:8

Hãrã ma'ẽty'ia hareka ñotyãva maky'ia, mba'ety vateve'õ, jyvacheĩ reta. Pepenteĩpo Tũpa meẽshu retakui japova hepykue.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Colosenses 3:24

Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

1 Tesalonicenses 2:15

Hokava Judio reta rãnga juka Ñandeja Jesús, hareka Tũpa ĩñee mbeu'iare arykaivare, hareka opa ỹrỹmohẽ reta. Japoã reta Tũpa potava, hareka opava kuimbaire ñymbyvaisho jyrehe,

Hebreos 10:34

Pee pyparekomba opaite mbyperesohavare, hareka vy'ape pyma'ẽĩmbahe mburuvishare heky pyndyhevi pa'ãpovare, shara pikuaa kavipeĩ ĩmepyre mbai haikavivevarã hareka tantaveva.

Hebreos 11:26

Katynga Moisés hei haikavive jyhasa'asy, Mesías hasa'asy verã rãĩmi, Egiptope vy'atẽ verã iko katukuepe, shara maĩhe Tũpa meẽshu verãre.

Hebreos 11:33

haire jyroja rupii jepyhe reta tentavasure, ñimbivachepe japo reta hareka hipity reta mbe'uava; java juru mbotyshi reta,

Hebreos 11:6

Tẽvã katuã ñambyvyashu Tũpa jairojããrã, shara ĩme'ẽ pota Tũpa kyty ñymbojava rojañoĩpo hai ĩme'ẽva hareka mbyhepyshu hekashuvare.

Santiago 1:2

Shyryvyre pyvy'aĩpo opaĩ marãrãva pyarãã pyhasapeĩrã.

Santiago 5:10

Shyryvyre, pyraha pindijehe marãra hasa'asy hareka hãrõ kavi Tũpa ĩñee mbeu'iare arykaivare Ñandeja hee ijeta'ihe vekuare.

1 Pedro 4:13

Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.