Mateo 4:23 - NandevaBiblia

²³ Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Mateo 4:23 Iomraidhean Croise

Mateo 11:5

Pymbeushu, heshamba kũvãipia heshajy, vatamba vatajy, kuruva porãmba'ia kuerajy, japysambava hendujy, mano vekua kuerajy, hareka Ñee kaviva mbe'ua kavishu pavetevare.

Mateo 12:9

Jesús oho haivirã, iche Judiore ñymbatyseape.

Mateo 13:19

Ĩme'ẽ henduva Mburuvisha vasurã vate araivi ouva ryheva kuãã mbaivara he'ise, ova timity oa vekua pehupi; haivi ou Aña, hekyshi timity pyape õre.

Mateo 13:54

hãrã vãhẽ oho jypyiterã iko'i vekuaipi. Haipe õñepyrõ pyrỹmboi Judiore ñymbatyseape hendu verã Tũpa ĩñee. Opava mbyrymaĩ retarã hei: Mãĩvira nohẽ kova mbai kuava? Mbaiva rupiira japo mbaikavi heshaha verã?

Mateo 14:14

Jesús vejy kanoaivirã hesha hetava kuimbai retarã parekoshu reta, hãrã mynguera ñymbairasyva haire verushuare.

Mateo 24:14

Kova Ñee Kaviva Mburuvisha vasurã vate araivi ouva ryheva, opa rupiipo mbe'uha ko yvy jerekue, opa henta'õre hendu verã. Haiperãpo, vãhẽkui ara opa verã.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 9:35

Jesús vata opaite tentamire'õĩpi, hareka tenta vasu retaipi pyrỹmboihe Ñee kaviva Judiore ñymbatyseape mbeu Mburuvisha vasurã vate araivi ouva ryheva, hareka mynguera ñymbairasyvare.

Marcos 1:14

Juan Bautista mbyperesohamarã, Jesús oho Galilea kyty mbeu verã Ñee Kaviva Tũpa ẽvãpe'õ ryheva.

Marcos 1:21

Jesús hareka mboireare vãhẽ jyraha Capernaunpe, putu'uava jy'arape Jesús iche Judiore ñymbatyseape pyrỹmboi.

Marcos 1:39

Kyrã Jesús vata'i opaite Galileaipi, ñimiñee'i Judiore ñymbatyseape hareka mohẽ mbaiposhyre.

Marcos 3:10

Shara hetavapema mynguerarã, ñymbairasy vekuare opa jasoi pota pokoherã.

Marcos 6:2

Putu'uava jy'ara vãhẽrã, õñepyrõ pyrỹmboi Judiore ñymbatyseape, heta henduvare mbyhaikavite reta, hareka hei reta: Maĩvira opaite kuaa hai kova? Marãva ãrãndura ko me'ẽhashuva, hareka mbaikavi heshaha verã hai japova?

Marcos 6:6

Jesús mbyrymaĩ rojãã retarã. Haivi Jesús oho pyrỹmboi tenta mbyrymba'õĩpi.

Lucas 10:9

Ĩme'ẽ haipe ñymbairasyarã, pymynguera hareka pereshu reta: “Tũpa ẽvãpe'õ ryheva kõõma ẽẽ pyndyhevi”.

Lucas 13:10

Pente putu'uava jy'arape Jesús pyrỹmboi Judiore ñymbatyseape;

Lucas 16:16

Moisés mbypara vekua, hareka Tũpa ĩñee mbeu'iare hei vekua japoa verã vãhẽ Juan arapeve; haivive mbe'uhajy Tũpa ẽvãpe'õ ryheva ñee kavi, hãrã opaite õñehãã pota pyrãtakuepe ichepyrã.

Lucas 20:1

Pente arape, Jesús mboi'ẽshu kuaretare tũpao pe hareka mbeu Ñee kaviva ryheva pyrỹmondo jepeva, vãhẽ jyveru pai ruvishare hareka Moisés mbypara vekua pyrỹmboi'iheare, hãndi karai kuakuavare.

Lucas 4:14

Hãma Jesús oujy Galileape Espiritu Santo ñymbaikatu tynyhekuepy ryheve, hãrã opa rupi kuaaha hokava yvyipi.

Lucas 5:17

Pente arajyape Jesús pyrỹmboi evãpe, vapy ñynõi haipe fariseore hareka Moisés mbypara vekua pyrỹmboi'iheare ouva opaite tenta Galilea, Judea hareka Jerusalénvi. Hãrã Ñandeja ñymbaikatu ẽẽ hãndi pyrỹnguera verã.

Lucas 6:17

Jesús vejyjy hãndi yvyturusuivi 12 mboireare, hãrã ñymbaty reta ñuu ñanamba'õpe, mboireare hareka kuaretare oho hãndiva, Judea, Jerusalén, Tiro hareka Sidon hỹmbeyvi, jyveru jasakahe verã Jesús ĩñee, hareka myngueraha verã mbairasyivi.

Lucas 6:6

Hãmã ĩrũ ara putu'uava jy'arape, Jesús iche Judiore ñymbatyseape hãrã õñepyrõ pyrỹmboi. Hãrã haipe ĩme'ẽ pente kuimbai ipo jakata japa vekua;

Lucas 7:21

Haipe kavi Jesús mynguera heta ñymbairasy vekua, iko asyva, hãndi mohẽ mbaiposhyre, hareka heta mynguera heshamba kuvãipiare.

Lucas 7:22

Haivi Jesús heishu reta: Pekua pymbeushu Juan ko pyheshava hareka pyhenduva. Pymbeushu marãra heshamba kuvãĩpia, heshajy; vatajymba'iare, vatajy; hete kuru porãmbavare, myngueraha; japysamba'iare, hẽndujy; mano vekua, kuerajy; hareka pavete'iare mbe'uashu Ñee kaviva.

Lucas 8:1

Haivi Jesús oho hãndi 12 mboireare heta tenta vãsu hareka tentamire õipi, ñimiñee hareka mbeu Tũpa ẽvãpe'õ ryheva.

Lucas 9:11

Hãrã kuaretare kuaamajy retarã, opa ohohipi reta, Jesús mỹvãheshu retarã mbeujyshu reta Tũpa ẽvãpe'õ ryheva, hareka mynguera ñymbairasyva.

Lucas 9:60

Jesús heishu: Ma'ẽĩhe manovare tiñoty hoka manova; tẽvã nde ekua mbeu ñee Tũpa ẽvãpe'õ ryheva.

Juan 18:20

Jesús heishu: She rãnga aijetañoĩ kuaretare hỹnonde; Judiore ñymbatyseape hareka tũpaoipi apyrỹmboiñoĩ, opaite henta'õre ñymbatyseaipi. Mba'ety ñemiapeĩ aijetaheva.

Juan 6:59

Jesús pyrỹmboihe kova mbai Judiore ñymbatyseape Capernaumpe.

Juan 7:1

Kova mbai hasamarã, Jesús iko vata'i tenta Galileaipi, hãrã ñatẽỹ oho Judeape, shara Judiore heka ñynõĩ haipe pota juka retarã.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 18:4

Vãhẽma putu'uava jy'ararã Pablo ohoñoĩ Judiore ñymbatyseape, ijeta hãndi verãre Judiore hareka griegore, potatẽ rojave reta Jesús haiva Mesia.

Hechos 20:25

Aikuaa kavi mba'etypokui peeva Tũpa huvisharã'õpe'õ ryheva ambeushu vekuare, shyreshajy verã.

Hechos 28:31

Mbaivamba jokoshuvape mbeu'i Tũpa ẽvãpe'õ hareka mboihe reta Ñandeja Jesucristo ryheva, mbavamba jochashuvape.

Romano 10:15

Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.