Mateo 4:19 - NandevaBiblia

¹⁹ Jesús heishu reta: “Pei shimi'ĩrũ, ajapopo pyndyhevi kuaretare nohẽ'i verã”.

Mateo 4:19 Iomraidhean Croise

Mateo 16:24

Haivi Jesús heishu mboireare: Ĩme'ẽ pota shimi'ĩrũvarã tiñymbysare ijuhuvi, tuhupi jukurusu kupere, hãrã tou shimi'ĩrũ.

Mateo 19:21

Jesús heishu: Pota opa rijapo hekope kavirã, ekua opa ẽvende ĩmeryreare, meẽshu pavete'iare hãrã ĩmepo ryrekui opa mbai vate arapy, haivi ei shimi'ĩrũ.

Mateo 4:18

Jesús vata oho yyvasu Galilea hỹmbeipirã, hesha Simón, Pedro he'iashua hareka tyvy Andrés. Hai reta rãnga pira nohẽ'iare, yype mombo ñynoĩ jypysare.

Mateo 4:20

Haipevãĩ opa heja jypysare, hareka oho hãndi.

Mateo 8:22

Tẽvã Jesús heishu: Ei shimĩ'ĩrũ, ma'ẽĩhe manovare tiñoty reta hapisha manova.

Mateo 9:9

Jesús oho haivirã hesha pente kuimbai Mateo he'iashua, kyrypoti mbatyhasea Roma pevãrã hyvache vapy'õ. Hãrã heishu: “Ei, shimi'ĩrũ”. Mateo pũã hareka oho hãndi.

Marcos 2:14

Oho'irã hesha Leví, Alfeo tay, vapy'ẽ tenta Roma pevarã kyrypoti okorase'õpe, Jesús heishu: Ei shimi'ĩrũ. Leví pũãrã oho hãndi.

Lucas 5:27

Kova mbai oparã Jesús ohojy. Haivi hesha pente kyrypoti mbatyse'iare Roma pevarã, Leví he'iashua, vapy ẽẽ mesape okorase'õpe. Jesús heishu: Eive shaykue.

Lucas 9:59

Jesús heijyshu yngava: Ei shimĩ'ĩrũ. Tẽvã hai hei: Sheja, mã'ẽĩshyre taha tañoty sheru hetekueani.

Juan 1:43

Pareemajyrã, Jesús hei ohojy verã Galilea kyty. Haipe hesha Felipe hãrã heishu: Ei shipive.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 21:22

Jesús heishu: She aipotarã hai ĩmeĩteripo'ikui, aijypeve. Mbaivara nde hokava? Nde, ei shimi'ĩrũ.

2 Corintios 12:16

Pee pikuaa kavi aipotãã pejepy'apy shyrehe pymeẽ she verã kyrypoti. Tẽvã, ĩme'ẽ ã'ãmore hei shyreheva shapukuepy apyrỹmbytavyrã apirirityva.