Mateo 4:17 - NandevaBiblia

¹⁷ Haivivaĩ Jesús õñepỹrõ ñimiñeerã, hei: “Peijy Tũpa jykoty, shara huvisha vasu vate arapy'õ ryheva kõõĩma'ẽ”.

Mateo 4:17 Iomraidhean Croise

Mateo 10:7

Pekua, hãrã pymbeu: “Huvisha vasu vate arapy'õ vãhẽserima ou”.

Mateo 11:12

Juan Bautista ourãvive ã'ẽpeve, heta kuaretare pyrãtakuepe oñehãã iche verã huvisha vasu vate arapy'õ, hãrã pyrãtavevare pota ñimbi'ijahe.

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Mateo 13:24

Jesús mbeujyshu reta yngaa ñee ñymyhã'ãnga ryheva: Huvisha vasu vate arapy'õ rãnga ova kuimbai timity haikaviva ñotyva jy'yvype.

Mateo 13:47

Huvisha vasu vate arapy'õ ova pente pysa yypy ityava, heta pira nohẽva.

Mateo 13:9

Opaite japysa'iare, tyhendu kavi.

Mateo 25:1

Hãrã ko huvisha vasu vate arapy'õ, ovapokui 10 kuñatãi hekyva ñymbai sapekare ñandype hareka oho verã omendavape, mi'ĩrũ verã temerã.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 6:10

Tou ỹrẽãrẽ mburuvisha vasurãrẽĩvavive vateivi ouva. Tijapoha nde ripotava ko yvy'ĩãrẽ, vate arapeva rãĩmi.

Mateo 9:13

Pekua pikuaa mbaivara he'ise Tũpa ĩñeepe heirã vekua: “She rãnga aipota pypareko papishare hareka ha'eã mymba jukahavare”. She aĩã ãhẽno heko kavivape, koñeĩ heko porãmba'iare opa heja verã mbai porãmba japo vekua.

Lucas 15:10

Kyrã vya jyve Tũpa jokuevare pente heko porãmba'ia heja mbai porãmba vekuarã.

Lucas 15:7

Kyrã hai pee hetaveva vyapo vate arapy ẽẽ pente heko porãmba oujy Tũpa jykotyrã, 99 heko kavi'ia retaivi ikotẽvẽmba ẽẽ ñymbeujyhaivare.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Lucas 3:23

Jesús 30 ãño marerã õñepyrõ mba'apo. He'iahe José tayva, Eli tay,

Lucas 5:32

She aiã aheno heko kavivape, heko porãmba'ia retapei, oujy verãre Tũpa kyty.

Lucas 9:2

Hãrã mondoshu reta mbeu verãre Tũpa ẽvãpe'õ ryheva, hareka mynguera verã ñymbairasyvare.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 17:30

Tũpa hejareiimbashi aryka'e kuaretare kuaambape mbai japo vekua, tẽvã ã'ẽ opava retape hareka opa rupi'iare heishu oujy jykoty verãre.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 26:20

Hãme rãnga ambeu ko ñee tynonde Damascope'iare, haivi Jerusalenpe'iare hareka opaitea Judeaipi. Ambeu jyve haimba Judiova retape oujy verã Tũpa jykoty hareka haire japo vekua rupii tyheshaka mbai porãmba hejamava.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,