Mateo 4:10 - NandevaBiblia

¹⁰ Jesús heijyshu: Satanás, ekuashe koivi, Mbyparahavape rãnga hei: “Ñandeja nu Tũpa hỹnondepo rĩñesu, hareka ha'ẽĩpo rẽmombai vasu”.

Mateo 4:10 Iomraidhean Croise

Mateo 16:23

Jesús jerepyrã heishu Pedro: Syry shyhevi Satanas! Nde pota shocharẽĩ. Ndypya rĩñanduva ha'ẽã Tũpaivi ouva, koñeĩ kuaretare ñanduva rãĩmi rĩñandu kova mbai.

Marcos 1:13

Haipe pyta 40 ara, hai iko mymba ñarõvare mbyteipi, hareka Satanas pyahããshu, hãma Tũpa jokuevare ou mboryshu.

Lucas 10:18

Jesús heishu reta: “She ahesha marãra Satanas oa vate araivi, vera vekua rãĩmi.

Lucas 11:18

Kyrã jyve Satanas ẽvãpe'õ ryheva pũã ijeherã, marãrapo pyrãta'ẽ? Kyrã hai pee shara pereshyrehe, Beelzebu mbaikatu rupii ãmohẽva mbaiposhyre.

Lucas 13:16

Tẽvã ko taupe Abraham ñymoñashia, Satanás pokua ñonoshu vekua 18 ãñoma mbairasykue ryheve. Hãmera õĩã poihakashi verã kova mbairasykue putu'uava jy'arape?

Lucas 22:3

Hãma Satanas iche Judas Iscariote pyape, hai jyve penteva 12 Jesús mboireare,

Lucas 22:31

Heijy Ñandeja: Pedrope: Simón, Simón, Satanas jururema pyndyrehe opa pynymomohẽ verã, trigo mbovaharã mbyvavaha'õ rãĩmi.

Lucas 4:8

Jesús heijyshu: Syry shyhevi, Aña, shara kuatia mbyparahavape hei: “Ñandeja nu Tũpapepo rĩñesu rẽmombai, hareka haireñõĩpo reĩ”.

Juan 13:27

Hãrã Judas pãhã pysevẽ hekymarã, Satanas iche pyape. Haipe Jesús heishu: Nareã japo rijapo verã.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Hechos 5:3

Hãma Pedro heishu: Ananías, marã'ĩrãra Satanas iche ndypyape ndapushu verã Espiritu Santo hãrã rỹmanãrõhe verã ndy'yvy hepykueivi?

1 Corintios 5:5

hokava kuimbai pymeẽshu Satanás, jyvarehe verã hete, hãmeĩpo hykove ohojepekui Ñandeja Jesús oujymarã.

1 Corintios 7:5

Hãma avypo pere pijupe potamba pypoko ijeheva. Tẽvã mokue ryhevepo piñiñono pente ñeepe, pypokombajy ijehe verã, mbovy ara pimboi verã. Hãma haivi katu pikojy ijupi, mahẽ Satanás pypya hããkui pijyjokoarã hareka pindirityjykui mbai porãmbape.

2 Corintios 11:14

Hokava ha'ẽã haĩrãĩ jahesha verã. Satanás teiva rãnga ikopy hete heshaha verã pente Tũpa jokueva hĩmbipeva rãĩmi!

2 Corintios 12:7

Potãã mbai heshahakashe vekua rehe airojaiteherã, juu shyroope kuture, pente Satanás ĩñee mbeu'ia tunupa shyrovaipi, potãã airojaite shijeherã.

2 Corintios 2:11

Kyrãrã Satanás ñymytynondeãpo yryrehe, jaikuaa kavi rãnga piriritysea rãĩmi.

Santiago 4:7

Piñyñono Tũpa ipope, tanta piñyñonoshi Ãña, hãrã hai ñyvãhẽpo pyndyhevi.

1 Pedro 5:9

Tantapẽĩ pirojakuepy, shara pikuaa opaite yvy jerekuepy pee rãĩmi jyrojavare hasa'asy ñynoĩ jyve reta.