Mateo 3:2 - NandevaBiblia

² Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Mateo 3:2 Iomraidhean Croise

Mateo 10:7

Pekua, hãrã pymbeu: “Huvisha vasu vate arapy'õ vãhẽserima ou”.

Mateo 11:20

Haipe Jesús õñepyrõ pya ohoãhe tentare, hetave mbaikavi heshaha verã japovape. Shara haipe'õre mbai porãmba japo vekua ñatẽy heja reta. Hãrã Jesús heishu reta:

Mateo 12:41

Ñimbivache arape, opavapo Ninivepe'õre piniñono porããkui Tũpa hỹnonde, porãmba pijapo vekuare. Haireta rãnga heja porãmba japo vekua Jonas ñimiñeee'ishu retarã. She hai pee, kope ĩme'ẽ pente mbai vasuveva Jonasvi.

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Mateo 13:24

Jesús mbeujyshu reta yngaa ñee ñymyhã'ãnga ryheva: Huvisha vasu vate arapy'õ rãnga ova kuimbai timity haikaviva ñotyva jy'yvype.

Mateo 13:31

Jesús mbeujyshu ko ñee ñymyhã'ãnga ryheva: Huvisha vasu vate arapy'õ rãnga ova mostaza hãỹ kuimbai raha ñotỹva kookuepe.

Mateo 13:33

Jesús mbeuve jyshu reta yngaa ñee ñymyhã'ãngarã hei: “Huvisha vasu vate arapy'õ rãnga ova kova pãhã mby'ouapya taupe mbihiava 21 kilo harina opa mby'oupeve”.

Mateo 13:47

Huvisha vasu vate arapy'õ ova pente pysa yypy ityava, heta pira nohẽva.

Mateo 13:52

Haivi Jesús heishu reta: Hãmeara, opaite Moisés mbypara vekua pyrỹmboi'ihea mbeu, huvisha vasu vate arapy'õ, ova oo ija nohẽva mbai hyruivi py'ahuvare tuja vekuaivi.

Mateo 18:23

Hãrã huvisha vasu vate arapy'õ, ova jyve huvisha vasu pyrãndushu vekua jokuehareirea japovare.

Mateo 20:1

Huvisha vasu vate arapy'õ, ova koo ija õhẽva kõ'ẽĩ heka mba'aposhu verã ju'uva rẽndape.

Mateo 22:2

Huvisha vasu vate arapy'õ rãnga ova mburuvisha japova karuvasu tay omendapo'ẽrã.

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Mateo 25:1

Hãrã ko huvisha vasu vate arapy'õ, ovapokui 10 kuñatãi hekyva ñymbai sapekare ñandype hareka oho verã omendavape, mi'ĩrũ verã temerã.

Mateo 25:14

Kova huvisha vasu vate arapy'õ ryheva, ova pente kuimbai ohopo'õ ynga tentape, haipe hẽno jokuehareirea retape meẽshu verã kyrypoti ña'ãpovare.

Mateo 4:17

Haivivaĩ Jesús õñepỹrõ ñimiñeerã, hei: “Peijy Tũpa jykoty, shara huvisha vasu vate arapy'õ ryheva kõõĩma'ẽ”.

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Mateo 5:10

Vy'apo reta hasa'asyva, mbai hekope kavi japo'irã, shara haire ña'ãpova huvisha vasu vate arapy'õ ryheva.

Mateo 5:3

Vy'apo reta je'espiritupe pavete'ia, shara haire pevãrã hai huvisha vasu vate arapy'õ.

Mateo 6:10

Tou ỹrẽãrẽ mburuvisha vasurãrẽĩvavive vateivi ouva. Tijapoha nde ripotava ko yvy'ĩãrẽ, vate arapeva rãĩmi.

Mateo 6:33

Haikaviveva rãnga pyheka tynonde Tũpa huvisharã'õpe'õ ryheva hareka hekope kavi'õ. Tũpa meẽpope opaite jy'arape mba'etypeva.

Marcos 1:15

Jesús hei: “Vãhẽma ara, Tũpa ẽvãpe'õ ryheva vãhẽserima, peijy Tũpa jykoty hareka pyroja Ñee Kaviva”.

Marcos 1:4

Kyrã Juan ou ñimiñee yvy ikoambaipi, hareka heishu kuaretare: Pimyngarai hareka peijy Tũpa kyty hejareii pyndyhevi verã mbai porãmba pijapo vekua.

Marcos 6:12

Haivi mboireare õhẽ mbeushu kuaretare Tũpa ĩñee, heishu ãteñoma japo verãre mbai porãmbava, hareka oujy verãre Tũpa jykoty.

Lucas 1:16

Heta Israelpe'õre nohẽjypo mbai porãmba vekuaivi haire Ija Tũpa hape kyty.

Lucas 11:20

Tũpa mbaikatu rupii rãnga she ãmohẽ mbaiposhyre, hãma hokava he'ise Tũpa ẽvãpe'õ ryheva vãhẽma peeva.

Lucas 13:3

Kyrãã rãnga! Hãma pee peijyvyã Tũpa jykotyrã, pymanoñoĩpo jyve.

Lucas 13:5

Kyrãã rãnga! Hãma pee peijyvyã Tũpa jykotyrã, pymanoñoĩpo jyve.

Lucas 15:10

Kyrã vya jyve Tũpa jokuevare pente heko porãmba'ia heja mbai porãmba vekuarã.

Lucas 15:7

Kyrã hai pee hetaveva vyapo vate arapy ẽẽ pente heko porãmba oujy Tũpa jykotyrã, 99 heko kavi'ia retaivi ikotẽvẽmba ẽẽ ñymbeujyhaivare.

Lucas 16:30

Iko katu katuvekua heijy: “Kyrãtẽvara sheru Abraham; ĩme'ẽ ohova haire ẽvãpe mano vekua pãũvirã, hejapo retakui mbai porãmba japo vekua”.

Lucas 21:31

Kyrãipo jyve pee pyhesha kova opa mbai ikorã, pikuaapo Tũpa ẽvãpe'õ ryheva vãhẽserimarã.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Lucas 6:20

Jesús mãihe mboireare retarã, heishu: Pyvy'apo pee pyndypaveteva, shara pa'ãpova hai Tũpa ẽvãpe'õ ryheva.

Lucas 9:2

Hãrã mondoshu reta mbeu verãre Tũpa ẽvãpe'õ ryheva, hareka mynguera verã ñymbairasyvare.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 17:30

Tũpa hejareiimbashi aryka'e kuaretare kuaambape mbai japo vekua, tẽvã ã'ẽ opava retape hareka opa rupi'iare heishu oujy jykoty verãre.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 26:20

Hãme rãnga ambeu ko ñee tynonde Damascope'iare, haivi Jerusalenpe'iare hareka opaitea Judeaipi. Ambeu jyve haimba Judiova retape oujy verã Tũpa jykoty hareka haire japo vekua rupii tyheshaka mbai porãmba hejamava.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

2 Corintios 7:10

Vyamba ryheva Tũpaivi ouva veru jaheja verã mbai porãmba vekua, jahajepe verã. Tẽvã ñymbasy ko yvy'ĩãrẽ'õ veru ñymano.

Colosenses 1:13

Tũpa rãnga ñanynohẽ pyntuivi, hãma ñaniñono Tay haihuva ẽvãpe,

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,

2 Pedro 3:9

Ha'ẽã rãnga Ñandeja potai kỹỹ'ẽva japo verã hai hei vekua, ã'ãmore pya mbijetahea rãĩmi, koñeĩ pyny'ãrõpeveĩ'ẽ, shara hai potãã mbava manoshi, koñeĩ pota opaiteva oujy Tũpa kyty.

Apocalipsis 2:21

She ahãrõĩtẽshi oujy verã Tũpa kyty, tẽvã ñateỹ heja heko porãmba vekua.

Apocalipsis 2:5

Hãma nymanduapohe mapera reajy, eijy jykoty Tũpa, tynondeite rikova rãĩmipo rikojy. Rijapoã kyrãrã ahekypo ndyhevikui nytataĩndy hyru hendaivi, reijyvyã Tũpa jykotyrã.