Mateo 28:9 - NandevaBiblia

⁹ Haipe Jesús õhẽ hỹvãiti retarã heishu: Hãmarate. Haire ñymboja Jesús ẽvape, ipyipi kũãva jyrerã haivi ĩñesu hỹnonde reta,

Mateo 28:9 Iomraidhean Croise

Mateo 14:33

Kanoape'iare opa ĩñesu Jesús hỹnonderã heishu: Nde rãnga ãñete Tũpa Tay.

Mateo 23:7

hareka potaĩ marãnduhashu reta karai vasure rãĩmi vataha õĩpi, hãrã kuaretare heihe verã pyrỹmboi'ia.

Mateo 28:10

hãrã Jesús heishu reta: Avy pykyje. Pekua pymbeushu shyryvyre toho Galileape, haipepo shyresha retakui.

Mateo 28:17

Heshama retarã ĩñesu hỹnonde, ĩmetẽ'õ rojambavare.

Mateo 28:8

Haivi taupere ohojy tã'õvere kyje ryheve, ñaniavei jyraha mbeushu verãre mboireare.

Lucas 1:28

Tũpa jokueva iche Maria ẽvãperã heishu: Arỹmarãndu kavi! Ñandeja ẽẽ nendie, mbaikavipy nymytynyhẽva opaite taupe retaivi.

Lucas 24:52

Haire opama õmombaishu retarã, vy'ape oujy reta Jerusalénpe,

Lucas 7:38

Jaheo ryheve vãhẽ Jesús ẽvãpe, hãrã saypeĩ ipy joheshu. Haivi ñakahaapy mitĩnishu, pyterã hareka ñonohẽ ipyre mbai pisheka kaviva.

Juan 12:3

Maria veru mbai pishekatuva yvotyivitei japohava, hareka hepyva, Jesús ipyre kyty. Hãrã opa kytyherã ñãkahaapy mitĩnijy. Haipe oo ipe opa vyhasa mbai pishekatu vekua.

Juan 20:19

Hokava Domingo arape pỹnturã, Jesús mboireare ñymbaty reta. Haipe õche mboty reta shara kyje jyreshi Judio juhuvishare. Haivi Jesús ou haire mbyteperã, marãndushu retarã hei: Pyndypya kaviteño!

Juan 20:28

Haipe Tomas hei: Sheja, hareka shu Tũpa!

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

Apocalipsis 3:9

Ryheshamapo ajapohe verã japurei'ia Satanás ñymbatyvape ryhevare. Hei ijehevare Judio, tẽvã añetẽĩte ha'ẽã. Amiñesukapo nynondekui, kuaa verã aryraihuva.