Mateo 28:6 - NandevaBiblia

⁶ Mba'ety kope, kuerajy hai heiva rãĩmi. Pei pymãihe ñonoa vekuape.

Mateo 28:6 Iomraidhean Croise

Mateo 12:40

Jonas ẽvã rãĩmi mbahapy ara hareka pỹntu, pira vasu hyeperã kyrã jyve, kuareta Tay pytapo mbahapy ara hareka pỹtu, yvy'ipy.

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Mateo 17:23

Haire shukapokui, tẽvã mbahapy arape akuerajypokui. Kova hendu retarã opa mbypy'ã reta.

Mateo 17:9

Vejyjy retarã, Jesús heishu reta: Avy pymbeukui mbavape ko pyheshava, kuareta Tay, mũpũ'ãjypeve manovare mbyteivi.

Mateo 20:19

Haivipo shyme'ẽãkui haimba Judiovare ipope, ñymbyhory shyrehe verã, shunũpa hareka shymbysavavaha kurusure. Tẽvã mbahapy arapepo shykovejyrã ãpuãjykui manovare mbyteivi.

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Marcos 16:6

Hai heishu reta: Avy pykyje, pee rãnga pyhekapi Jesús Nazareno, kurusure mbysavava vekua. Kuerajyma rãnga! Mba'etyma kope. Pymãĩ ñonoã vekuape, mba'etyma haipe.

Marcos 8:31

Jesús õñepyrõ mbeushu mboireare hai kuareta Tay hasa'asyñoĩ verã, heshatambaa verã Judio juhuvishare, pai ruvishare hareka Moisés mbypara vekua pyrỹmboi'iheare. Heijyshu reta hai jukaha verã, tẽvã kuerajypo mbahapy arape.

Lucas 24:12

Katy Pedro õhẽrã ñani oho, ita jo'oa vekua kyty, maĩ'i hapyperã tarapo tĩva ñomahapy vekuaĩ hesha, hãrã ohojy hentape mbyrymaĩ ryheve ko iko vekua rehe.

Lucas 24:23

tẽvã heshããmba reta Jesús hetekue, hãma oujy retarã mbeu'ore reta Tũpa jokuevare ijeshakashuare, heishuare Jesús kuerajymava.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Juan 10:17

Sheru shyraihu, shara aĩ shykove ameẽ verã, haivi ai apysyjy verã.

Juan 2:19

Jesús heishu reta: Opa pymambai ko tũpao, mbahapy arapepo ãmupũãjykui.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.