Mateo 28:18 - NandevaBiblia

¹⁸ Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Mateo 28:18 Iomraidhean Croise

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Lucas 10:22

Opa mba'e Sheru ñono shepope. Mba'ety kuaava mbavara hai Tyray, koñeĩ Teru, hareka mba'ety kuaava mbavara hai Teru, koñeĩ Tyray, hareka pota kuaakashuare kuaakaposhu Tay.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Juan 17:2

Nde rãnga opa rĩñono kuaretare Ndyray ipope, meẽshu verã tykove opambava opaite jyrojaheare, hareka rymeẽshu vekuare.

Juan 3:31

Vate araivi ouva rãnga, opavare ĩãrẽ'ẽ. Kuaretare yvy'ĩãrẽ'õ, yvy'ĩãrẽ'õvãĩ ijetahe; tẽvã vate araivi ouva opavare ĩãrẽ'ẽ.

Juan 3:35

Tũpa rãnga haihu Tay, hãrã opa mba'e ñono hai ipope.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Romano 14:9

Ha'erã rãnga Jesucristo mano hareka kuerajy manovare mbyteivi, ikoshi verã manova hareka hykove teri'iare Ija.

1 Corintios 15:27

Shara Tũpa opa mbaipo ñono Cristo ipy ipe. Hãrã opaiteva mburuvishare ñonohã ipope heirã, he'iseã Tũpa ñonoãjyveva Cristo ipope. Shara Tũpa hai opa mbai ñonova Cristo ipope.

Colosenses 2:10

hãma pee opaite pimepeĩhe Cristo shara piñimi'ĩrũhe Hai. Hai miñaka'ishuva opaite mbaikatukuere hareka ipope ẽvã ko yvy'ĩãrẽ hareka vate arapy.

Hebreos 1:2

Tẽvã ã'ẽ ko ara opaserima'iape ijeta'ẽjy ñande Tay rupii, hai rupii rãnga japo opa mbai ẽvãre hareka opa ñono ipope.

Hebreos 2:8

Opa mbai rĩñono ipy'ipe. Tũpa opa ñono hai iperã, hãrã mba'ety maĩnunga ẽẽmbahea. Tẽvã jaheshããteri opa maĩnunga ñonohava hai ipope.

1 Pedro 3:22

haivi hai jupi vate arape hareka ĩme'ẽ Tũpa jakata kyty. Tũpa jokuevare ĩãrẽve ẽẽ verã hareka opaite espiritu mbaikatu ĩmerevare.

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 19:16

Ñyponshore hareka iure mbyparahahe hee: “Mburuvisha vasure Juhuvisha Vasu hareka karaivasure Ija”.