Mateo 27:54 - NandevaBiblia

⁵⁴ Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Mateo 27:54 Iomraidhean Croise

Mateo 26:63

Tẽvã Jesús jasakaĩ'i. Haipe pai juhuvisha hei jyshu: Tũpa hykove'ia heepe mbeu ore, ndera hai Cristo Tũpa tay?

Mateo 27:36

Haivi haire vapy haipe ñyngareko ñynoĩhe verãre Jesús.

Mateo 27:40

hei: Nde rityndaporẽĩ tũpao hareka rũmũpũã ndapojy mbahapy aravape, ñymondojepe jyvy. Nde hai Tũpa tayrã vejy hoka kurusuivi.

Mateo 27:43

Jyroja rãnga hai Tũpare, tymondojepeshu Tũpa ã'ẽvãĩ, ãñete haihushurã; hai hei ñandeva rãĩmi Tũpa Tayva.

Mateo 27:51

Hãrã mondii tũpaope'õ tarapo jochahapya mbyteipitei soro, vateivi yvykyty. Yvy opa ryry hareka ita opa jeka.

Mateo 4:3

Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.

Mateo 8:5

Jesús iche tenta Capernaumperã, 100 ẽvã syndarore juhuvisha ñymbojahe, jurureshurã hei:

Marcos 15:39

Hãma syndaro ruvisha Romano, ñymbou'ia Jesús hỹnonde heshama marãra mano, hei: Ãñetẽĩtemba kova kuimbai hai Tũpa tay.

Lucas 22:70

Haivi opaiteva pyrãndushu reta: Akuarã ndera hai Tũpa Tay? Jesús heishu reta: Hai rãnga, pee pereva rãĩmi.

Juan 19:7

Judiore heishu: Ore rãnga ĩmerekoha ñee mbyparahava, haipy hei manoñoĩ verã, shara hei ijehe Tũpa Tay.

Hechos 10:1

Ĩmemba'ẽ tenta Cesareape pente kuimbai Kornelio he'iashua, 100 ẽvã syndarore miñaka'ishua, kuaahava jyve Syndarore jatyse'õ “Italiava” he'iashuape.

Hechos 2:37

Ñymbaty'õre hendu kovarã, mbyvy'ãã retarã pyrãndu jyreshu Pedro hareka ĩrũ Apostolre: Shicheyre, mbaivara akuarã jajapopo?

Hechos 21:32

Hãma mburuvisha mbatyka ñysyndarore hareka 100'õ syndarore juhuvishare ñani jyraha kuaretare ẽvãpe. Heshama huvishare hareka syndaro retarã poi nũpa reta Pablo.

Hechos 23:17

Pablo hẽno pente 100'õ syndarore juhuvisharã heishu: Raha ko kunumi syndarore juhuvisha vasu ẽvãpe, ĩmere mbeushu verã.

Hechos 23:23

Haivi syndarore juhuvisha vasu hẽno mokue syndarore 100 ẽva juhuvisha heishu myhẽvã verãre 200 syndarore yvyipĩĩ'iare, 70 kavajure'iare hareka 200 mĩĩ ĩmereare pyntumarã oho verãre tenta Cesareape.

Hechos 27:1

Meẽma reta yrỹmondo verãre Italiaperã, me'ẽha Pablo hareka a'ãmo mbyperesoareare pente 100 õvã syndarore juhuvishape Julio he'iashua, huvisha vasu Augusto ñysyndarore ryheva.

Hechos 27:43

Tẽvã centurion syndarore juhuvisha Julio he'iãshu reta, shara potamba Pablo mondojepe. Hãme hei ĩme'ẽ katu iña'ỹtavarã ojepoipy verã yy hareka vãhẽ oho vẽra hymbeykyty,

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Apocalipsis 11:13

Haipekavi iko yvyryry vasu, hareka 10 jaty'õvaivi pente henda tentavasure opa japara, hoka yvyryry vasu 7 mil'õ opa juka, ĩmeĩtẽ'i vekuare opa kyje hãrã omombaishu reta Tũpa vate arape'õ.