Mateo 27:40 - NandevaBiblia

⁴⁰ hei: Nde rityndaporẽĩ tũpao hareka rũmũpũã ndapojy mbahapy aravape, ñymondojepe jyvy. Nde hai Tũpa tayrã vejy hoka kurusuivi.

Mateo 27:40 Iomraidhean Croise

Mateo 16:4

Tykove ñarõva Tũpa haihumba hareka ñee hendumbare jurure mbai heshaha verã ara vateivi ouva. Mẽ'ẽhãposhu mbai heshaha verã ara vateivi ouva, koñeĩ heshahakapo pee Tũpa ĩñee mbeu'ia Jonas ikohea rãĩmi. Haipe hejashu retarã oho.

Mateo 26:61

Kova kuimbai hei vekua, “Mbahapy arape opapo aity Tũpa hoo hãrã mbahapy arape amupũãpojy”.

Mateo 27:41

Kyrã ñymbyhory jyvehe reta pai ruvisha hãndi Moisés mbypara vekua pyrỹmboi'iheare hareka fariseore, kuakuavare hãndirã hei jyre ijupe:

Mateo 27:42

Ynga reta mondojepe'i, tẽvã hai katuã ñymondojepe. Israelitavare juhuvisha rãnga, tyvejy kurusuivi hãrãpo jyrojahahekui.

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Mateo 4:3

Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.

Mateo 4:6

hãrã heishu: Ãñete nde hai Tũpa tayrã, epo yvype; shara mbyparahavape hei: “Tũpa mboupo jokuevare ñyngareko ndyrehe verã. Ndypysypo reta potaã ita ndepy ryrokuaherã”.

Lucas 16:31

Abraham heishu: “Henduseã Moisés, hareka Tũpa ĩñee mbeu'ia retarã, rojã'ãĩpo jyve reta ĩmetẽ'ẽ pũãjyva manovare pãũvi”.

Apocalipsis 11:10

Opaite tentare horyĩpo jyrehe heshama manorã, haivi mondokapo ijupe reta ijopepy verã jukahava rehe, shara hoka mokue Tũpa ĩñee mbeu'iare kuaretare pevarã hai jyhasa'asy vasu porãmba.