Mateo 27:19 - NandevaBiblia

¹⁹ Pilato vapyteri'ẽ tribunalperã, hyreko heishu: “Avy mãĩ'ẽhe, ndeave ko kuimbai heko kaviva, pyhare porãã apaihu, hai rehe”.

Mateo 27:19 Iomraidhean Croise

Mateo 1:20

José pya mbijeta'irã, mondii jypaihupe ijeshakashu pente Tũpa jokueva hãrã heishu: “José, David ñymoñashia, avy kyje reru verã María ndyrekorã, ko sanjay María ĩmere verã hai Espiritu Santo japova rupii.

Mateo 2:19

Herodes manomarã, Ñandeja jokueva ijeshakashu José jypaihupe Egiptoperã heishu:

Mateo 2:22

José kuama Arquelao mburuvisharã ẽjy Judeape tuu Herodes hẽndakueperã, kyje ohojy haipe. Tẽvã Tũpa mbeushu jypaihupe oho verã Galileape.

Mateo 27:18

Shara Pilato kuaa haire heshatãã reheĩ meẽshu reta.

Mateo 27:24

Pilato heshama mba'ẽãpo japoherã, hareka sapukevaĩ ñymbyheta verã, veruka yy hareka jypoi kuaretare hỹnonderã, hei: Shepo ky'ãpo ko kuimbai heko kaviva manoivi, pee pevarãma kova.

Mateo 27:4

hãrã heishu reta: Mbai porãmba rãnga ajapo, ko kuimbai heko kaviva ameẽ jukaha verã. Tẽvã Haire heishu: Tẽvãra mbaivẽãma hai ore hokava! Ndyreheima'ẽ hokava!

Lucas 23:41

Ñande rãnga hekope kavi jahasa'asyñaĩ, shara mbai porãmbava jajapo ñande; tẽvã ko kuimbai japoã hai mbai porãmba.

Lucas 23:47

Syndarore juhuvisha hesha ikovarã, õmombaishu Tũpa, hãrã hei: “Ãñeteñoĩmba ko kuimbai hai heko kaviva”.

Juan 19:13

Pilato henduma hokavarã, nohẽkajy Jesús katoape. Hãrã pirĩmbivache'õ vapyseape vapy. Hebreope mbyheeava Gabata, he'iseva itaivi japoava.

Hechos 12:21

Herodes ñonoshu reta mbai araperapo ou reta hai ẽvãpe, hareka hokava arape monde mondehava mãshyava hãrã vapy'ẽ huvisha vasure vapysepyape ñimiñeeshu reta.

Hechos 18:12

Tẽvã Galion huvisharãteri'ẽ Acayaperã, Judiore ĩñiñono pente ñeepe pũãhe reta Pablo, haivi raha huvishare hỹnonde,

Hechos 18:16

Hãrã opa mohẽ reta haivi.

Hechos 18:17

Hãma opaitea ou ĩãrẽ reta Sostenes Judiore ñymbatyseape huvisharã'õ, hãrã haipe nũpa jyre huvishare hỹnonde, tẽvã Galion mba'eãshu.

Hechos 25:10

Pablo hei: Ãĩme rãnga huvishavasu Cesar ryhevare hỹnonde, shimbivachehaka verãpe rikuaa kaviva ajapomba porãmba israelva retare.

Hechos 25:17

Hãrã haire jyveru koperã ambupukumbape; parejyrã ñymbatyare vapyseape avapyrã amondoravĩ aruka ko kuimbai.

Hechos 25:6

Festo pytavejy Jerusalenpe 8 aravaipi, haivi ohojy Cesareape. Parejyrã vapy mburuvishare vapyseape, hãrã veruka Pablo.

1 Pedro 2:22

Hai japoã mbai porãmba, hareka mbavapeã mbytavy.

1 Juan 2:1

Shyray rãĩmire ahaihuva, ambyparape kova potãã porãmba pijaporã. Ĩme'ẽ mbava porãmba japovarã, ĩmejare pente ñanymbory'ia Tũpa hỹnonde, hokava hai Jesucristo, heko kaviva.