Mateo 27:1 - NandevaBiblia

¹ Kõĩmajyrã pai ruvisha hareka kuakuavare pente ñeepe ñynoĩ jukaka verã Jesús.

Mateo 27:1 Iomraidhean Croise

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Marcos 15:1

Hãma kõĩmarã, ñymbaty ijeta reta pai ruvishare, Moisés mbypara vekua pyrỹmboi'iheare, Judio juhuvishare, hareka opaite pirĩmbivacheka'iare. Haivi raha reta Jesús opa popokuahavape hareka ñono reta Pilato ipope.

Lucas 13:1

Akua arape ã'ãmo ouvare mbeushu reta Jesús marãra Pilato mondo jukaka ã'ãmo galileovare mymba jukahava hapy ñynoĩvape.

Lucas 22:66

Kõĩmajyrã, ñymbaty reta karai kuakuavare, hoka tentape'õre, pai ruvishare hareka Moisés mbypara vekua pyrỹmboi'iheare. Haivi raha reta Jesús ñymbatyha'õperã, haipe pyrãndushu reta:

Juan 18:28

Haivi pai juhuvishare raha Jesús Caifas hentaivi huvishavasu Romava hentape. Kõĩmapotarã Judiore icheã, shara icherã ñymyngyapo reta mbyparahava japoa verã heiva rãĩmi; haire kyrã japo retarã katuãpo hou reta jykaru Pascua ryheva.

Hechos 5:21

Kova hendurã ko'ẽĩ iche reta tũpaope pyrỹmboi verãre. Haipevãĩ pai juhuvishare hareka ẽẽ hãndiare, mbaty reta Judio juhuvishare ñymbatyhaseape opaite kuakuavare Israelpe'õre hãndi, haivi mondo veruka reta Apostolre pyrymbyperesohaseaivi.