Mateo 26:39 - NandevaBiblia

³⁹ Hãrã Jesús ohoposhy tynonderã, ĩñesu hova mbojapeve yvyre, hareka jurureshu Tũpa: Sheru, katuãra rỹmbyhasa shyhevi ko ñymbasykue. Tẽvã avy tiko she aipotava, koñeĩ tiko nde ripota.

Mateo 26:39 Iomraidhean Croise

Mateo 20:22

Tẽvã Jesús heishu reta: Pee pikuãã pirureva. Pẽĩra pyhasa'asy verã, she ahasa'asy verã rãĩmi? Haire hei: Õĩha rãnga hasaha verã.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 26:42

Hãrã hykuãĩ mokueheare kyrãĩ oho jururejy: Sheru, katũã rymbyhasa shyhevi ko jepy'apyrã, japo nde ripotava rãĩmi.

Marcos 13:22

Shara oupo Cristo rã'angarã'ia hareka Tũpa ĩñee mbeu'ia japureiivare, hetapo japo mbai heshaha verã hareka mbaikavi heshaha verã pyrỹmbytavy verã, Tũpa pyhỹrõva retavepo mbytavy.

Lucas 17:16

Haipe ĩñeesu hova yvyre mbojapeve Jesús hỹnonde, meẽshu verã jy'ajetekue. Ko kuimbai hai Samariava.

Juan 11:41

Hãrã mbysyry reta ita vasu mbotyhapya. Jesús vate maĩrã hei: Sheru, gracia ameẽnde shara nde shyrẽndu.

Juan 14:31

tẽvã kyrãñoĩpo jehu kuaretare kuaa verã jyve she ahaihushuva Sheru, hareka ajaposhu hai heisheva. Pupũa, jaha koivi!

Juan 18:11

Jesús heishu Pedro: Ñoñajy ndykyse puku hyrupe. Ryrojãra ãĩme'ãĩva ahasa'asy verã Sheru heisheva rãĩmi?

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Juan 5:30

She, shijuhuvii katuãã mbai ajapo. She ajahe pyryrehe Tũpa heisheva rãĩmi, hareka hekope kavipo ajahe pyndyrehe, shara ajapoã she aipotava; koñeĩ Sheru shymbou vekua potavãĩ ajapo.

Juan 6:38

She ai vate araivi ajapo verã shymbou vekua potava, ha'ẽã she aipotavãĩ ajapo verã.

Hechos 10:25

Pedro iche oo iperã, Kornelio õhẽ mỹvãhẽshu hareka ĩñesu hỹnonderã, õmombaishu.

Filipenses 2:8

Hãrã ikoma kuareta rãĩmirã jyrojaã ijehe, ĩñee rẽndu manopeve, hai mano kurusure!

Hebreos 5:7

Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.