Mateo 26:28 - NandevaBiblia

²⁸ Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Mateo 26:28 Iomraidhean Croise

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Mateo 26:27

Haivi mỹnyhẽjy pente vaso vino, haivi ñymboi'ĩãrẽ, mbyhasashu mboireare hãrã hei: Jyvache pimbyupy kova vino.

Mateo 26:29

Hãrã she haijy pee, koivive hauveamapo uva tyy, haujy verã arapeve penendie py'ahuva, Sheru mburuvisha vasurã.

Mateo 6:12

Hejareii yryhevi mbai porãmba vekua, ore hejareiishia rãĩmi japo porãmba'i yryreheare.

Marcos 1:4

Kyrã Juan ou ñimiñee yvy ikoambaipi, hareka heishu kuaretare: Pimyngarai hareka peijy Tũpa kyty hejareii pyndyhevi verã mbai porãmba pijapo vekua.

Marcos 14:24

Heijyshu reta: Kova hai shuruvy ñee me'ẽã py'ahuva ryheva, turuvy ñohẽa verã opava reta rehe.

Lucas 22:19

Haivi hekyjy pãhã; opama jururejy'ĩãrã, pyseã meẽshu retarã hei: Kova hai shyrete, me'ẽã pyndyrehe verã. Pynymanduajy shyrehe verã, pijapo kova.

Lucas 22:20

Kyrãĩ japojy opa karurã, heky vaso vino ẽpyarã hei: Ko vaso hai ñee me'ẽã py'ahuva shuruvype, ñohẽhã pyndyrehe verã.

Romano 5:15

Hãrã mba'ety, ñamyhã'ãngahe verã ñymbai porãmba vekuare hareka Tũpa mbai meẽreii ñande vekuare. Adán ñymbai porãmba vekua rehe, hetamba manova; tẽvã Jesucristo rupii Tũpa meẽreii ñande mbai vasuiteveva hareka mbai kavi hetavare pevarã.

Romano 5:19

Shara kyrã pente kuimbai ĩñee rẽndumbaa rehe hetava he'iahe heko porãmbare, pente kuimbai ĩñee rẽnduva rehe hetava he'iapohe heko kaviva.

1 Corintios 11:25

Kyrãĩjy opama karu retarã heky koparã hei: “Kova kopa hai ñee me'ẽãva py'ahuva ryheva shuruvype, peumarã, pijapo pynymandua shyreherã”.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Colosenses 1:14

hai huvy rupii mbyhepy ñandyrehe ñanynohẽajy verã, hareka hejarei ñandyhevi mbai porãmba jajapo vekua.

Colosenses 1:20

Hãma Cristo rupii Tũpa mbi'iko kavijy hãndi reta opaite ẽvã yvy'ĩãrẽ hareka vate arapy'õre, hãrã ñono kavijy hãndi Cristo huvy rupii ñohẽ vekua kurusure.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

Apocalipsis 7:14

She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.