Mateo 26:13 - NandevaBiblia

¹³ Ãñete hai pee, mãĩpi mbe'uhavaipi ko Ñee Kaviva ryheva yvy'ĩãrẽ; mbe'uhapo jyve ko taupe japova, mãndu'ahahe verã.

Mateo 26:13 Iomraidhean Croise

Mateo 24:14

Kova Ñee Kaviva Mburuvisha vasurã vate araivi ouva ryheva, opa rupiipo mbe'uha ko yvy jerekue, opa henta'õre hendu verã. Haiperãpo, vãhẽkui ara opa verã.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Marcos 13:10

Shara ndeiteri ara japyrã, mbe'uhañõĩpo Ñee kaviva opa tenta retaipi.

Marcos 14:9

Ãñeteĩte hai pee, mamãĩpi ko yvy jerekue mbe'uhavaipi ko Ñee kaviva, mbe'uhapo jyve ko taupe japova.

Marcos 16:15

Haivi heishu reta: Pekua oparupi yvy jerekue, hareka pymbeu Ñee kaviva opava retape.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Hechos 10:4

Kornelio haipe mãĩ'ẽhe Tũpa jokuevarã kyje ryheve pyrãndushu: Mbaivara ripota, Sheja? Tũpa jokueva heishu: “Tũpa hendu rirureshuva hareka vy'aite'i rijapovare, pavetevare rymboryshurã.

Romano 10:18

Tẽvã apyrãndu: Ĩmera'ẽ hendumbare Ñee kaviva? Hendu rãnga reta! Shara kuatia Mbyparahavape hei: “Haire ĩñee oparupi henduha ko yvy jerekue, yvy japyapeve vãhẽ haire mbeuva”.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

2 Corintios 10:18

Shara hokava kuareta ñonohava, ha'ẽãpo ha'ii ñymbyhaikavi'ia, koñeĩ Ñandeja mbyhaikavivaĩpo.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

1 Timoteo 2:6

Jesucristo meẽmba hykove hareka manomba opava kuaretare mbyhepyrã mondojepe verã, hãrã kova mbe'uhava jy'arape kavi ijeshaka.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

Apocalipsis 14:6

Hareka aheshajy ynga Tũpa jokueva veve'ia ara vate'õ mbyteipi, ĩmereva opa ara Ñee Kaviva mbeu verã ko opaite tenta vasu retape, opaite ñymoñashia retape, opaite tiñeere hareka ñymoñavare hareka ĩñeevare hareka henta'õre.