Mateo 26:10 - NandevaBiblia

¹⁰ Jesús hendu hokavarã heishu reta: Marã'ĩrãra kyrãĩ pijetahe ko taupe? Kova mbai japo shyreheva rãnga, haikavi.

Mateo 26:10 Iomraidhean Croise

Mateo 26:11

Pavetevare ĩmeñoĩpo pynymbyteipi, tẽvã she ha'ẽã ãĩmeñoĩ verã pyndyvache.

Mateo 26:9

Hokava mbai pisheka kavi haikavitẽpo hepyre mẽ'ẽharã, hepykue pavetevare mẽ'ẽhashu.

Marcos 14:6

Tẽvã Jesús heishu reta: Pyma'ẽĩhese! Marã'ĩrãra pyma'ẽĩãhe? Mbai haikaviva rãnga japo shyrehe.

Lucas 8:49

Jesús ijeta teri õ vãhẽ ou Jairo ẽvãpe pente jokueavarã heishu: Ndy rajy manoma, ỹteño mãihe pyrỹmboi'ia.

2 Corintios 9:8

Tũpa rãnga hai pyrãtava opa mbaipe, mbyhetape verã opa mbai haikaviva, ĩmepyre verã opa mba'e mba'etypyreare, kyrã pymbory verã jyve mbai mba'etyreare.

Galatas 1:7

Añete, mba'ety rãnga yngava Ñee kaviva, ĩmeĩ rãnga ẽẽ pota porãmba piniñonova, hareka pota yngai mbeujya Ñee kaviva Jesucristo ryheva.

Galatas 5:12

Opaite iko ma'ẽĩmba'i pyndyreheva pota pipire chĩchĩkarã, marãinga opãã jasyja ijuhuvi!

Galatas 6:17

Ã'ẽvaĩ aipotaveãmapo mbava ñonokui shyraperãpe mbai porãmba, shara ĩme'are mbypereava shyretere, heshakava ahasa'asyva Jesús jokuereasherã.

Efesios 2:10

Shara Tũpa japo vekua hai ñande, hãma ñandapoha Jesucristo rehe mbai haikaviva jajapo verã, arykaivaĩ Tũpa ñono ñanynonderãpe jajapo verã.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

2 Tesalonicenses 2:17

tymeẽpe kyrẽ'ỹ hareka pyrãta, pere hareka pijapo verã haikaviva.

1 Timoteo 3:1

Kova hai ñee añeteva: Ĩme'ẽ pota mbai miñaka'iarã, ãñete mbai haikaviva pota japo.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

2 Timoteo 2:21

Hãma ĩme'ẽ ñymyngyamba'õrã, ikoposhi pente timbipory haikavivapeĩ poryhava, tykove mbijicheava Ñandeja pevarã hareka Hai porypo japo verã heta mbai haikavi.

Tito 1:16

Hei reta kuaava Tũpa, tẽvã japovare rupii jykuahe reta heireii jyrerã; kuaretare heshatããshu reta hareka ñee henduã reta, ẽẽãshu mbai haikaviva japo verãre.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Tito 3:1

Opaiteva mymandu'akahe tiñiñono jyve huvisharã'õre ipope, ñee tyhendu hareka õĩñoĩpo japo verã haikaviva.

Tito 3:14

Ñandyryhevare tikuaa jyve haikaviva japo verãre hareka mborypo reta ikotẽvevare hareka kyrãrã hetapo japo reta mbai haikaviva.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.