Mateo 25:21 - NandevaBiblia

²¹ Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 25:21 Iomraidhean Croise

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Mateo 24:47

Añeteĩteva haipe, oo'ija opaiteapo ñono ipope ña'ãpovare.

Mateo 25:23

Pyrokue'ia heishu: “Haikavite, nde hai jokuehareirea pya kaviva hareka japumbaa; shara rĩngareko kavihe mĩshĩĩ ameẽndeva hãrã hetavepo ameẽjynde, iche vya shendie”.

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Lucas 12:44

Ãñẽtẽite hai pee, opava mãĩnũnga oo ija ĩmereare opapo ñono ipope.

Lucas 16:10

Ko heko kaviva mbai mishĩvãpe, heko kavi jyve mbai hetavape; hãrã mishĩvape heko porãmba, kyrã jyve mbai hetavape.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 14:3

Ahajyma opa ãñono kavi pynyrẽndarãrãpo aijy apyryrahakui, jaiko pãvẽĩ verã she aikovape.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Romano 2:29

Judiore añeteĩteva hai ñee mbyparahava Tũpa ña'ãpova pyaivive japova, Espiritu Santo rupii, hareka ha'ẽã mbyparava rupii. Kyrãva kuaretare Tũpa pysyĩma hai, ajema kuaretare mbijichetẽvã.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

2 Corintios 10:18

Shara hokava kuareta ñonohava, ha'ẽãpo ha'ii ñymbyhaikavi'ia, koñeĩ Ñandeja mbyhaikavivaĩpo.

2 Corintios 5:9

Hãme rãnga õñehã'ãhã japoha Ñandeja potava, ĩmehãĩteri'iape maĩrã yryrete hejahamavape.

Filipenses 1:23

Mokue maĩnunga shopy; shykyrẽy amano aĩme hãndi verã Cristo, hokava hai haikaviteveva;

1 Timoteo 3:13

Diaconorã'iare hekope kavi mba'apova, mandu'a kavihe, hareka mymorãhapo, rojahapo Cristo jyrojaheva.

2 Timoteo 2:12

jyhasa'asykue jahasa kuaarã, ñaĩmepo hãndi hai ẽvãpe, ñañomi jareshurã hai ñanomipo jyve,

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.