Mateo 24:44 - NandevaBiblia

⁴⁴ Tẽvã, pẽĩ kavipopeĩ, shara pimoãmbapeĩvape, kuareta Tay oujypokui.

Mateo 24:44 Iomraidhean Croise

Mateo 24:27

Verava heshava rãĩmi kuarasy ichea kytyve, kyrãpokui vãhẽma ara kuareta Tay oujy verãperã.

Mateo 24:42

Pymãi kavipeĩ, shara pikuãã mbaipera oujypo Peja.

Mateo 24:43

Pyreko kova pankape: Pente oo ija kuaa mbaipera ichepokui ho'ipe manarõ'iarã, hai ocheãpo hareka ma'ẽĩãpohe ho'ipe manarõshu.

Mateo 25:10

Hãma 5 kuñatãi kuamba ijupevare oho heka ñandy ova verã, vãhẽ ou temerã, ĩrũ kuñatãire kua ijupe haivare iche hãndi temerã, hãrã haivi õche ñymboty.

Mateo 25:13

Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.

Lucas 12:39

Hãma pikuaa kavi kova: Oo ija kuaa mbaiperapo ou manarõ'iarã, ochẽãpo'ẽ hãrã ma'ẽĩãpohe iche ho'ipe manarõshu verã.

Lucas 12:40

Pee jyve pẽĩkavipo pẽĩve; pimoãmba pẽĩvape kuareta Tay oujypokui.

Lucas 21:36

Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.

Filipenses 4:5

Opavare tyhesha pynymbaikaviva. Ñandeja kõõima oujy!

Santiago 5:9

Shyryvyre, avy pypya jyrova ijuhuvi, pinimbijicheamba verã. Pymaĩ, pirĩmbijiche'ia õchepema'ẽ.

Apocalipsis 19:7

Ñandyrorypo, ñaĩmytynyhẽ vy'a hareka ñamombai vasushu, shara vãhẽma ara Avisha Ray omenda verã, hyreko opama õĩkavi.