42 Pymãi kavipeĩ, shara pikuãã mbaipera oujypo Peja.
Tẽvã mbai arapera hareka mbaipeitera, mba'ety kuava, Tũpa jokueva retamba kuaa verã hareka Taymba kuaa verã, koñeĩpo kuaa Sheru.
Pyreko kova pankape: Pente oo ija kuaa mbaipera ichepokui ho'ipe manarõ'iarã, hai ocheãpo hareka ma'ẽĩãpohe ho'ipe manarõshu.
Tẽvã, pẽĩ kavipopeĩ, shara pimoãmbapeĩvape, kuareta Tay oujypokui.
Hãma 5 kuñatãi kuamba ijupevare oho heka ñandy ova verã, vãhẽ ou temerã, ĩrũ kuñatãire kua ijupe haivare iche hãndi temerã, hãrã haivi õche ñymboty.
Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.
Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,
Pingareko pindijehe, hareka pimbo'e opa ara, peojepeshi verã ko mbai iko verã, hareka haikavi pẽĩverã kuareta Tay hỹnonde.
Pijapo kova pynymanduahe jaikovape vãhẽma ara jasareko verã typehykueivi. Shara ã'ẽ jahajepe verãpe kõõĩtevema ou jypyite ñee kavi jarojarã vekuaivi.
Pingarekokatu, avy peche hareka piñymypyrãta jyrojakuepe. Piñimbypyavasu hareka pitasokatu.
hãrã avy jache yngavare rãĩmi, jasareko hareka jaiko hekope kavi.
Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.
Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.
Pymaĩ, manarõ'ia rãĩmipo aijy. Vy'apo shy'ãrõ õva hareka mondea natuva, mahẽ nanitei vãhẽashukui hareka heshaha ñynoti.
