Mateo 24:3 - NandevaBiblia

³ Haivi oho reta ñũũ olivo he'iashuape, Jesús vapy haipe, hareka mboireare ñymboja hai ẽvãpe. Haipe hã'ẽi'õpe pyrãndushu reta: Pota rãnga kuaahave mãrãrapokui vãhẽma reijy verãperã. Mbaivarãnirapo heshahakui vãhẽma hokava arape?

Mateo 24:3 Iomraidhean Croise

Mateo 13:36

Jesús opa mondojy kuareta retarã iche o'ipe, hãrã mboireare ñymboja ẽvaperã heishu reta: “Mbeuvejy ore mbaivara he'ise ñee ñymyhã'ãnga ñana porãmba vekua hẽñova trigo pãũpe”.

Mateo 13:49

Kyrãpo jehukui ko yvy opa verã arape; Tũpa jokueva õhẽpo heky verã heko porãmba heko kavivare mbyteivi,

Mateo 15:12

Haipe mboireare ñymbojaherã heishu reta: Rikuara fariseore pya'ohoãhe hendu rereva rãĩmi?

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Mateo 17:19

Haivi mboireare ñymbojahe Jesús hã'ẽĩ õperã, pyrãndushu: Marã'ĩrãra katuã mohẽhashi ore mbaiposhy?

Mateo 21:1

Jesús hareka mboireare hãndi vãhẽserima jyraha Jerusalenperã, vãhẽ tenta Betfage yvy olivo heta'õpe. Haivi Jesús mondo mokue mboireare hỹnonderã.

Mateo 24:27

Verava heshava rãĩmi kuarasy ichea kytyve, kyrãpokui vãhẽma ara kuareta Tay oujy verãperã.

Mateo 24:30

Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.

Mateo 24:37

Noe ikoteri yvy'ĩãrẽrã arape rãĩmipo, jehukui kuareta Tay oujymarã.

Mateo 24:39

Hãrã ñymoãmba ñynoi vekua, ou ãma vãsurã opaite juka reta. Kyrãipo jyvekui kuareta Tay, oujymarã.

Mateo 24:43

Pyreko kova pankape: Pente oo ija kuaa mbaipera ichepokui ho'ipe manarõ'iarã, hai ocheãpo hareka ma'ẽĩãpohe ho'ipe manarõshu.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Lucas 21:7

Hãrã pyrãndushu reta heireta: “Pyrỹmboi'ia, mbaiperapo ikokui kovare? Hãrãra mbaiva mbai heshaha verã ẽpokui kova mãĩnũnga ikoma potãrã?”

Hechos 1:7

Jesús heishu reta: Pee katuã pikuaa mbai araperapo hareka mãrãrapo japo, koñeĩ Sheru ha'ĩĩ ĩmere mbaikatu japo verã.

Hebreos 9:26

Kyrãpotarã, Cristo hetajymbapo mano ko yvy jypyite japoharãvãĩ. Tẽvã ha'ẽã kyrãva. Ã'ẽ, ko ara opa oho'iape, penteĩmba ijeshaka hareka opa arape, mbai porãmba opa mambai verã ha'ei ñymeẽ jukaha verã.