Mateo 23:16 - NandevaBiblia

¹⁶ Tengapope pyrỹmboi'iare kũvãĩpi heshamba! Pereva: “Ĩme'ẽ ĩñee meẽva tũpao heepe, hokava mba'ẽã hai, hãrã ĩñee meẽva ita vera ijuva tũpaope'õ reherã, japoñoĩpo ĩñee”.

Mateo 23:16 Iomraidhean Croise

Mateo 15:14

Pyma'ẽihe hai reta rãnga heshamba kũvãipiare, ĩrũ heshamba kũvaipiare raharea. Hãrã pente heshamba kũvãĩpia rahare ĩrũ heshamba kũvaipiarã, mokue ryheveãrapo oa yvykuape.

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Mateo 23:17

Pee mbaimba kuavare hareka heshamba kũvãipiare! Mbaivara haikavive, ita vera ijuva maĩrã tũpao ita vera ijuva hapype'õre mbyhaikaviva?

Mateo 23:19

Pee tykove mbaimba kuaava heshamba kũvãĩpiare! Mbaivara haikavive: Ofrenda maĩrã altar, ofrenda mbyhaikavivara?

Mateo 23:24

Pee rãnga hai heshamba kũvãĩpiare raharea, yy peu verã pymbovashi ñatiũ tẽvã pente kavajuva opaĩ pymokue!

Mateo 23:26

Pyhendu fariseore heshamba kũvãĩpiare: Joherãnipy yy ho'uapya hareka y'a, hãrã ky'ãpo jyve kupere.

Galatas 5:3

She haipojype, ĩme'ẽ kuimbai pire chĩchĩkava, hai ẽẽma japoñoĩ verã Moisés mbypara vekua heiva rãĩmi.

Santiago 5:12

Tẽvã kova ĩãrẽ, shyryvyre avy pymeẽ piniñee vate arare, yvype maĩrã yngava maĩnungare; hãrã “ẽẽ” pererã haimaĩpo; hareka “mba'ety” pererã mba'etymaĩpo, potãã pinimbivachearã.