Mateo 22:13 - NandevaBiblia

¹³ Haivi mburuvisha vasu heishu jokuereare: “Pijokuashi ipy hareka ipo, pymombo katuape pyntuvape, haipe tijaheo hãĩre tyrorokua ijehe”.

Mateo 22:13 Iomraidhean Croise

Mateo 12:29

Mbavarapo icheva pente kuimbai pyrãtava hentape manãrõshu verã, ñapintiã hareka ipy jokuarãniããrã. Kyrã japorãrãpo katu manarõshu.

Mateo 13:30

Haikavivepo pyma'ẽĩ pũã hãndi mỹno'õapeve, haipokui mba'apo ia retape tynonde poo verã ñanava hareka mambaty verãre hapyha verã, haivipo mbatyhakui trigo natũã verã.

Mateo 13:42

Ajokuevare ityposhu retakui tatape, haipepo jaheorã hãi opa mbupururukui.

Mateo 13:50

hareka porãmba vekua itypo tatape. Haipe jaheorã hareka hãĩ mbupupurupo.

Mateo 24:51

jokue'õ ñũpa pohyposhu hareka mondopo hova mokue'iare ẽvãpe. Hãrã haipepo jaheo hareka hãĩ mbupurupo'i.

Mateo 25:30

Ko jokuehareirea mã'ẽrãmba'iany pymohẽ, mymondo katuape pỹntuvape jaheo hareka hãĩ opa puru verãpe”.

Mateo 8:12

tẽvã tynõnde huvisha vasu vate arapy'õ ẽẽte verãre haipe, mohẽapo katuape hareka pỹntuape. Haipepo jaheo hareka hãĩre opapo pururu”.

Lucas 13:28

Haipe ẽẽpo jaheova, hareka tyrãĩ mbupupuruva pyheshama Abraham, Isaac, hareka Jacob perã, hai hoka Tũpa ĩñee mbeu'ia arykaivare Tũpa ẽvãpe'õ ryheva tẽvã pee pymohẽãpo katuape.

Juan 21:18

Añetevape hai nde, arykai nukunumi terirã, rẽĩ kavirã pota rehova kyty reho, tẽvã rykuakuamarã rỹmysymyĩpo ndijyva, hãrã yngava retapo nimimonderã ndyrahakui natẽỹ rehova kyty.

Hechos 21:11

ou yryresha hãrã heky Pablo kuaipi jokuapyarã hareka ipy, ipo opa jokuarã hei: Espiritu Santo hei kyrãpo pokuahakui Jerusalenpe Judiore, kova tukuaipi jokuahapya ija hareka ñonoãpo haimba Judiore ipope.

Hechos 7:54

Hãrã kova mbai hendu retarã, poshy jyre hareka hãĩ opa mbi'ipu reta.

2 Tesalonicenses 1:9

Haire jaheapohekui opa õñehundi verãpe. Mombohapo mbyry Ñandeja ẽvãivi, hĩmbipekue hareka ñymbaikatukueivi,

2 Pedro 2:17

Kova pyrỹmboi'ia reta rãnga ova yy henda opa tini vekua hareka ãvãpyntu yvytu rahava rãĩmi! Tũpa ĩmemare ẽẽ verã retape timimbi vasuvape.

2 Pedro 2:4

Shara Tũpa hejareiãmba arykai hai jokuevare porãmba japorã, koñeĩ mombombashu reta tata vasupe. Haipe hejashu reta pyntuvape ñapintĩhavape hareka natuha verãre ara Tũpa jahe pyryrehe verãpe.

Judas 1:13

Hãma ova reta yy ñarõva, mbytyryjuva maĩnunga japova pyrỹmymarãkava, jasytata hape javyva rãĩmi mondohapo timimbiva opamba'õpe.

Judas 1:6

Hareka Tũpa jokueva ẽẽmba vekuare õĩ verãpe, koñeĩ opa heja reta ha'eire hoo, Ñandeja mbypereso ñono timimbiape hareka opa ara ñimbivacheha ara vãhẽmarã.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.