Mateo 21:44 - NandevaBiblia

⁴⁴ Tẽvã ĩme'ẽ ita oahearã opapo my'õpe, ĩme'ẽ oava ita ĩãrẽrã opapo mungui.

Mateo 21:44 Iomraidhean Croise

Mateo 21:43

Hãmẽãra hai pee, Tũpa huvisharã'õpe hekypo pyhevi hãrã yngavapepo meẽ, kuaretare mynõõva Tũpa huvisharã'õpe'õ ryheva.

Mateo 21:45

Pai ruvishare hareka fariseore hendu hoka ñee ñymyhã'ãnga Jesús mbeu'õvarã, kuaa mondo reta haire he'ia ñynoĩshurã.

Mateo 26:24

Kuareta Tay iko ñoĩpohe kuatia mbyparahahea rãĩmi, tẽvã tengapokui kuimbai Kuareta Tay meẽva! Haikavivetẽshu verãmba ko kuimbai o'ãrã.

Mateo 27:25

Hãma kuimbaire opaite hei reta: Toa ỹrẽãrẽ hareka yryrayre ĩãrẽ hai ñymanokue!

Lucas 2:34

Simeón meẽshu reta jyhovasa, hãrã heishu Maria, Jesús ishy: Tũpa mbou ko sanjay heta Israelpe'õre ohojepe verã, hareka yngavare jaheahe verã. Haipokui pente heshaha verã hareka hetapo'ẽkui ñymbyvaishoheva.

Lucas 20:18

Shara ĩmerãẽã oava hokava ita ĩãrẽ, opaĩpo jejeka; hareka ĩme'ẽ oahevarã opa kavipo mungui.

Juan 19:11

Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Romano 9:33

Mbe'uhava rãĩmi kuatia Mbyparavape: “Ãñono pente ita Sionpe, ita mbyvapi'ẽ verãre; jyrojaheva ñymymarãkããpo”.

1 Tesalonicenses 2:16

hareka yryrejãã mbe'uhashu verã Ñee kaviva haimba Judiovare ohojepe verã reta jyve. Kyrã mbyhetave reta mbai porãmba japo vekuare. Tẽvã Tũpa jahemahe retarã javaitepokui.

1 Pedro 2:8

Harekajy: Pente ita mãrẽyva, haire vapihe verã. Hai reta rãnga vapi ñee henduãrã; ñonoha verãre pevarã.