Mateo 21:26 - NandevaBiblia

²⁶ Hãrã kuaretare jaishurã, jakyje pũã ñandyrehe verã, shara haire roja Juan, Tũpa ĩñee mbeu'ia rãĩmi japoshu reta”.

Mateo 21:26 Iomraidhean Croise

Mateo 11:9

Mbaivara akuarã pyhesha? Pente Tũpa ĩñee mbeu'iara? Ãñeteite rãnga Juan vateveshi ĩrũre Tũpa ĩñee mbeu'iaivi.

Mateo 14:5

Herodes pota jukareshu Juan. Tẽvã kuaretare kyjeshirãmimba japõã, shara haire heihe Juan haiva Tũpa ĩñee mbeu'ia.

Mateo 21:11

Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.

Mateo 21:25

Pereshe: Mbavara meẽshu mbaikatu, Juan pyrỹmyngarai verã? Tũpa maĩrã kuaretare? Hãrã haire õñepyrõ ijeta ijupi retarã hei: “Tũpa rãnga mboushu jairã, heipojy ñande: Akuarã mãrã'ĩrara pyrojããmbashu?

Mateo 21:27

Haire heishu Jesús: Kuaahãny. Haipe Jesús heishu reta: Akuarã ambe'ũãpo jyve pee, mbava ñymbaikatu rupiira ajapo ãĩ kova.

Mateo 21:46

Hãrã pota pysyka jyre Jesús. Kuaretare kyje jyreshi rãmeĩ, shara rekoshu reta Tũpa ĩñee mbeu'ia rãĩmi.

Marcos 11:32

Tẽvã jaishu: Kuaretare mbouvarã...” Tẽvã ñatẽy kyrã heishu reta, shara kyjeshi kuaretare moa puãhe retarã, shara opavare roja ãñetẽĩte Juan haiva Tũpa ĩñee mbeu'ia.

Marcos 12:12

Hãrã pota pysykajyre Jesús, shara kuaa reta ñee ñymyhã'ãnga mondoha ñynõĩherã. Tẽvã kuaretare kyjejyreshirã; ma'ẽĩhe opajy oho.

Marcos 6:20

shara Herode kyje'ishi Juan, kuaa kavite hai kuimbai heko kyambarã, hãrã ñyngareko kavihe, hendu ijeta'ẽrã ajemaĩ kuaa kaviãshi, tẽvã Herode kyrẽ'ỹpe hendushu.

Lucas 20:19

Hãrã pai ruvishare hareka Moisés mbypara vekua pyrỹmboi'iheare haipevãĩ pota pysyka jyre Jesús, shara kuaa mondo he'iha ñynõihe kova ñee ñymyhã'ãngaperã; tẽvã japoã reta shara kyje jyreshi kuaretare.

Lucas 20:6

Hãrã kuaretare jaijyshurã, ko kuaretare ẽvã rãĩmi opapo pũã ñandyrehekui hãrã itape ñandukapo retakui; shara opavare roja Juan haiva Tũpa ĩñee mbeu'iarã.

Lucas 22:2

hãrã pai ruvishare hareka Moisés mbypara vekua pyrỹmboi'iheare, heka marãrapo ñemiãpẽĩ juka reta Jesús, shara henta'õre kyjeshi reta.

Juan 5:35

Juan rãnga hai mbai myhendyava hareka sapeva, potatẽ sapy'aite pyvyapipy hai mykõĩvãpe.

Juan 9:22

Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Hechos 5:26

Hãrã tũpaope ñyngareko'ia juhuvisha hãndi syndarore jyraha veru, tẽvã mba'ẽã japohe kyje jyve kuaretaivi mõã itape japiharã.