Mateo 21:15 - NandevaBiblia

¹⁵ Pai ruvishare hareka Moisés mbypara vekua pyrỹmboi'iheare heshama mbaikavi heshaha verã Jesús japova, hareka hendu mãrãra sanjayre sapuke tũpaope: “Tũpa tymãĩ kavihe mburuvisha vasu David tay!” Hãrã poshy jyre.

Mateo 21:15 Iomraidhean Croise

Mateo 20:24

Hãrã ĩrũre 10 mboireare hendurã, poshy jyreshu tyvyre mõkue'õ.

Mateo 21:23

Jesús ichejy tũpaope, haipe pyrỹmboiteri'õ, vãhẽ jyveru hai ẽvãpe pai juhuvishare hareka kuakuavare Israelva huvishare, pyrãndu jyreshu: Mbavara heinderã rijapo kova mbai? Mbavara meẽ nde ko mbaikatu?

Mateo 21:9

Hãrã kuaretare tynonde hareka taykue ohovare õñepyrõ sapukerã hei: Tũpa ohovasa mburuvisha vasu David Tay! Toñemombai Ñandeja heepe ouva! Toñemombai Tũpa!

Mateo 22:42

Pyrãndushu reta: Mbaivara perehe Cristo? Mbavaivi ñymoñavara hai? Haire heishu: David.

Mateo 26:3

Pai juhuvishare, Moisés mbypara vekua pyrỹmboi'iheare, hareka kuakuavare opa jaty pai Caifas hoo vasupe.

Mateo 26:59

Hãrã pai juhuvishare hareka kuakuavare ñymbatyse'õpe, heka ñynõĩ mãrãrapo ñee ãñetemba poryhe reta, ñono vaishu verã Jesús hareka jukaka verã.

Mateo 27:1

Kõĩmajyrã pai ruvisha hareka kuakuavare pente ñeepe ñynoĩ jukaka verã Jesús.

Mateo 27:20

Tẽvã pai ruvishare hareka kuakuavare hei jyvyĩ kuimbai retape jurure verã Barrabas typoihashi hareka Jesús tijukaha hai verã.

Mateo 9:27

Jesús õhẽjy haivirã, haykueivi ou mokue kuareta heshamba kũvãĩpiare, sapuke jyveru: Yryparekomĩnteve David tay!

Marcos 11:18

Hãma haipe hendu pai ruvisha hareka Moisés mbypara vekua pyrỹmboi'iheare, hãrã heka marãrapo juka reta, shara haire kyjeshi, hareka heta'ẽjy kuaretare mbyrymaĩheva pyrỹmboiva rãĩmi”.

Lucas 20:1

Pente arape, Jesús mboi'ẽshu kuaretare tũpao pe hareka mbeu Ñee kaviva ryheva pyrỹmondo jepeva, vãhẽ jyveru pai ruvishare hareka Moisés mbypara vekua pyrỹmboi'iheare, hãndi karai kuakuavare.

Lucas 22:2

hãrã pai ruvishare hareka Moisés mbypara vekua pyrỹmboi'iheare, heka marãrapo ñemiãpẽĩ juka reta Jesús, shara henta'õre kyjeshi reta.

Lucas 22:66

Kõĩmajyrã, ñymbaty reta karai kuakuavare, hoka tentape'õre, pai ruvishare hareka Moisés mbypara vekua pyrỹmboi'iheare. Haivi raha reta Jesús ñymbatyha'õperã, haipe pyrãndushu reta:

Juan 11:57

Fariseore hareka pai ruvishare mbeushu kuaretare japo verã, ĩme'ẽ Jesús heshavarã, tymbeu orekui pysyha verã.

Juan 12:19

Tẽvã fariseore hei jyre ijupe: Pyheshama mbaiveamapo katu jajapo. Pymãĩhe, marãra opaite kuaretare jyraha hipii!

Juan 4:1

Fariseore kuaa Jesús mbyhetave hai mboireare hareka hetave pyrỹmyngarai Juan Bautistaivi.

Juan 7:42

Mbyparahavape rãnga hei: Hokava Cristo haipokui huvishavasu David ñymoñashi vekua hareka Belenpe'õ, David henta, haivipo ou Cristo.