Mateo 21:11 - NandevaBiblia

¹¹ Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.

Mateo 21:11 Iomraidhean Croise

Mateo 2:23

Vãhẽ jyraha haiperã, oho iko jyre tentami Nazaret he'iashuvape. Kyrã jehu iko verã hekope kavi Tũpa ĩñee mbeu'ia hei vekua: “Jesús mbyheeapo Nazareno”.

Mateo 21:10

Vãhẽma oho Jesús Jerusalenperã, opa ikorai retarã hei reta: Mbavarajy kova?

Mateo 21:26

Hãrã kuaretare jaishurã, jakyje pũã ñandyrehe verã, shara haire roja Juan, Tũpa ĩñee mbeu'ia rãĩmi japoshu reta”.

Mateo 21:46

Hãrã pota pysyka jyre Jesús. Kuaretare kyje jyreshi rãmeĩ, shara rekoshu reta Tũpa ĩñee mbeu'ia rãĩmi.

Marcos 6:15

Ĩrũre heijy: Elías rãnga. Yngavare heijy: Tũpa ĩñee mbeu'ia, tynonde vekuare rãĩmiva rãnga.

Lucas 13:33

Tẽvã, avatateripo ko arape, pareejyrã, hareka ĩrũ arajyape; shara katuãpo Tũpa ĩñee mbeu'ia manoshi Jerusalénvi katuape.

Lucas 24:19

Jesús pyrãndushu reta: Mbaivara iko? Haire heishu: Jesús Nazareno ryheva, hai rãnga Tũpa ĩñee mbeu'ia, mbaikatupy japo'ia hareka ñeepy Tũpa hỹnonde hareka opaiteva henta'õre;

Lucas 7:16

Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.

Lucas 7:39

Fariseo jurureshu vekua Jesús oho karu verã heshama hokavarã hei pyape: “Ko kuimbai ãñete hai Tũpa ĩñee mbeu'iarã, kuaatẽ verã mãrãva tauperã poko'ẽhe, taupe heko porãmba rãnga hai”.

Juan 1:21

Haipe pyrãndujyshu reta: Mbavara nde? Ndera hai Tũpa ĩñee mbeu'ia Elías? Juan hei: Ha'ẽã rãnga she. Hykuaĩ pyrãndujyshu reta: Akuarã, ndera hai Tũpa ĩñee mbeu'ia hãrõha'õva? Hai hei: Mba'ety.

Juan 1:25

Hãrã heishu reta: Akuarã, marã'ĩrãra rypyrỹmyngarai ha'ẽã nde Cristo, Elías, maĩrã Tũpa ĩñee mbeu'iarãme?

Juan 4:19

Hokava taupe hendurã heishu: Sheja, hainymbashe nde haiva Tũpa ĩñee mbeu'ia.

Juan 6:14

Kuaretare heshama Jesús mbaikavi heshaha verã japorã, hei reta: Ãñeteñoĩ rãnga kova hai Tũpa ĩñee mbeu'ia ou verã ko yvy'ĩãrẽ.

Juan 7:40

Ĩme'ẽ kuaretare mbytepe hendu hokava ñeerã heiva: Haiñõĩ ãmo Tũpa ĩñee mbeu'ia ñahãrõ ñaĩva.

Juan 9:17

Hãrã pyrãndujyshu reta heshamba kũvãĩpi vekua: Hãmera nde mbaiva rere jyvehe kuimbai nymby heshakajy vekua? Hai hei: She haihe haiva Tũpa ĩñee mbeu'ia, Tũpa mbouva.

Hechos 7:37

Moisés teiva heimbashu arykai Israelita ñymoñashiare: “Tũpa mboupokui tyvyre mbytepe pente ñimiñee'ia, she shymbouhava rãĩmi”.