Mateo 20:24 - NandevaBiblia

²⁴ Hãrã ĩrũre 10 mboireare hendurã, poshy jyreshu tyvyre mõkue'õ.

Mateo 20:24 Iomraidhean Croise

Mateo 20:23

Jesús heishu reta: Ãñete rãnga pyhasa'asypokui she rãĩmi. Tẽvã pyvapy verã shasu hareka shakata kyty sheeãpo ameẽpe, Sherupo meẽ hokava hai mỹhẽvã'ẽshua retape.

Mateo 20:25

Jesús hẽnoshu retarã hei: Pee rãnga pikuaa mãrãra jyrojambare yngava tenta juhuvishare, hareka mãrãra karaivasure reko'asyshu reta.

Marcos 10:14

Jesús hesha hokavarã poshype heishu reta: Pyma'ẽĩhe sanjayre tou shyrẽndape, avy pijocha; shara haire rãĩmivã retaĩpo ichekui Tũpa ẽvãpe.

Marcos 10:41

Hãrã ĩrũ 10 ia mboireare hendurã, poshy jyreshu Santiago hareka Juan.

Lucas 13:14

Tẽvã huvisha Judiore ñymbatyseape'õ poshy'i shara Jesús mynguerajy putu'uava jy'arape. Haivi heishu kuaretare: 6 ara ẽẽ katu ñamba'apo verã; hãrã hoka arape rãngapo peii piñymyngueraka verã, tẽvã avypo putu'uava jy'arape.

1 Corintios 13:4

Pyryhaihuva hasa'asyñoĩ, pyakavi, mbai potaraiã, jyrojaã ijehe hareka potãã ha'epaite.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Santiago 3:14

Tẽvã pyndypya poshy ryhevepirã hareka pijeshatããrã, hokava pijaporã pee pevarãĩjy, avy pimoã mbai vasumape, kyrãrã papumapo hareka piñomima añeteva.

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.