Mateo 20:19 - NandevaBiblia

¹⁹ Haivipo shyme'ẽãkui haimba Judiovare ipope, ñymbyhory shyrehe verã, shunũpa hareka shymbysavavaha kurusure. Tẽvã mbahapy arapepo shykovejyrã ãpuãjykui manovare mbyteivi.

Mateo 20:19 Iomraidhean Croise

Mateo 12:40

Jonas ẽvã rãĩmi mbahapy ara hareka pỹntu, pira vasu hyeperã kyrã jyve, kuareta Tay pytapo mbahapy ara hareka pỹtu, yvy'ipy.

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Mateo 17:23

Haire shukapokui, tẽvã mbahapy arape akuerajypokui. Kova hendu retarã opa mbypy'ã reta.

Mateo 27:26

Haipe Pilato poishi Barrabasvi, haivi nũpãka Jesús hareka heja ipope reta mbysavava verã kurusure.

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Marcos 14:65

Hãma haipe a'ãmokue õñepyrõ myndyvyhe, hesa jokuashirã nũpa retarã hei: Mbeu mbavara nunupa! Hãma Syndarore nupajyre Jesús hovaipi.

Marcos 15:1

Hãma kõĩmarã, ñymbaty ijeta reta pai ruvishare, Moisés mbypara vekua pyrỹmboi'iheare, Judio juhuvishare, hareka opaite pirĩmbivacheka'iare. Haivi raha reta Jesús opa popokuahavape hareka ñono reta Pilato ipope.

Marcos 15:15

Hãma Pilato pota haikavi ẽẽ hãndi kuareta retarã, poishi Barrabas; hãrã meẽshu syndarore nupãka verã Jesús, haivi meẽ mbysavava verã kurusure.

Lucas 18:32

shara ñonoapo kuareta jyrojambare ipope; haivi ñymbyhorypohe reta, heta mbaipo heihe reta hareka myndyvypohe reta;

Lucas 23:11

Hãma Herodes hareka ñysyndarore jahe jyreherã, ñymbyhoryheape mymondeka reta pente mondeava kapyryva hareka vevera vekua. Haivi mondokajy Pilato ẽvãpe.

Lucas 24:46

heishu reta: Kyrã rãnga mbyparaha Cristo mano verã hareka puãjy verã manovare mbyteivi mbahapy arape;

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Hechos 21:11

ou yryresha hãrã heky Pablo kuaipi jokuapyarã hareka ipy, ipo opa jokuarã hei: Espiritu Santo hei kyrãpo pokuahakui Jerusalenpe Judiore, kova tukuaipi jokuahapya ija hareka ñonoãpo haimba Judiore ipope.

Hechos 4:27

Ãñete rãnga Herode hareka Poncio Pilato ñymbaty reta kova tentape, yngaivi ouvare hareka Israelitare hãndi hãrã puãhe reta Jesús, nimbijokue heko kyamba, nde rypyhyrõ vekua,