Mateo 20:16 - NandevaBiblia

¹⁶ Kyrãpo tynonde'õre mbytaykueha, hareka taykue'õre mytynõndeapo. Hetavape rãnga hẽnohã, tẽvã mbovyi'ẽ pyhyrõãvare.

Mateo 20:16 Iomraidhean Croise

Mateo 19:30

Kyrãpo heta tynonde'õre mbytaykueha, hareka taykue'õre mytynõndehapo.

Mateo 21:31

Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.

Mateo 22:14

Jesús poi ijeta verã hei: Hetavape rãnga hẽnoha, tẽvã mbovyi'ẽ pyhyrõãvare.

Mateo 7:13

Piche õche mishĩĩvaipi pyryrahava Tũpa huvisharã'õpe. Shara tivisha hai õche hareka pe pyryrahava Ãña ẽvãpe, javaiã javatahupi, hãrã heta'ẽjy icheva hokava õcheipi.

Marcos 10:31

Hãrã heta ã'ẽ ñytynononde'iare, taykuepo'ẽjy. Heta taykue'iare, tynondepo'ẽjykui.

Lucas 14:24

Hãrã hai pee mbavẽãpo tynõnde hẽnõhakavare, houkui pynturã she hau verã”.

Lucas 15:7

Kyrã hai pee hetaveva vyapo vate arapy ẽẽ pente heko porãmba oujy Tũpa jykotyrã, 99 heko kavi'ia retaivi ikotẽvẽmba ẽẽ ñymbeujyhaivare.

Lucas 7:47

Hãme rãnga hai nde, heta mbai porãmba japo vekua hejareiimashi, shara pyryhaihuite; tẽvã kuareta mishĩĩ hejareiiva, mishĩĩ heshaka jyhaihu.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

Romano 9:30

Mbaivarapo ja'eshu kova? Jyrojakue rupii rãnga Tũpa opa mbyheko kavi haimba Judiovare. Hokava he'ise jyrojakue rupii haimba Judiovare hipityva teko kavikue;

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.