Mateo 2:4 - NandevaBiblia

⁴ Hãrã mburuvisha vasu hẽnoka pai juhuvishare hareka jyve Moisés mbypara vekua pyrỹmboi'iheare, haivi pyrãndushu reta maperapo oa Cristo.

Mateo 2:4 Iomraidhean Croise

Mateo 13:52

Haivi Jesús heishu reta: Hãmeara, opaite Moisés mbypara vekua pyrỹmboi'ihea mbeu, huvisha vasu vate arapy'õ, ova oo ija nohẽva mbai hyruivi py'ahuvare tuja vekuaivi.

Mateo 2:3

Mburuvisha vasu Herodes henduma kovarã, pya myngyjepy hareka opaite Jerusalenvare.

Mateo 2:5

Haire heishu: Belén Judeape'õ, shara Tũpa ĩñee mbeu'ia kyrã mbypara:

Mateo 21:15

Pai ruvishare hareka Moisés mbypara vekua pyrỹmboi'iheare heshama mbaikavi heshaha verã Jesús japova, hareka hendu mãrãra sanjayre sapuke tũpaope: “Tũpa tymãĩ kavihe mburuvisha vasu David tay!” Hãrã poshy jyre.

Mateo 21:23

Jesús ichejy tũpaope, haipe pyrỹmboiteri'õ, vãhẽ jyveru hai ẽvãpe pai juhuvishare hareka kuakuavare Israelva huvishare, pyrãndu jyreshu: Mbavara heinderã rijapo kova mbai? Mbavara meẽ nde ko mbaikatu?

Mateo 26:3

Pai juhuvishare, Moisés mbypara vekua pyrỹmboi'iheare, hareka kuakuavare opa jaty pai Caifas hoo vasupe.

Mateo 26:47

Jesús ijetateri ẽvã, vãhẽ ou Judas 12 mboireare penteva, heta ou hãndi kuaretare jykyse puku'iare hareka yvyra ryheve. Pai juhuvisha hareka kuakuavare israelpe'õre mondoshuare.

Mateo 27:1

Kõĩmajyrã pai ruvisha hareka kuakuavare pente ñeepe ñynoĩ jukaka verã Jesús.

Mateo 7:29

shara Jesús pyrỹmboi ñymbaikatu'ia rãĩmi ryheve, ha'ẽãmba Moisés mbypara vekua pyrỹmboi'iheare rãĩmi.

Marcos 8:31

Jesús õñepyrõ mbeushu mboireare hai kuareta Tay hasa'asyñoĩ verã, heshatambaa verã Judio juhuvishare, pai ruvishare hareka Moisés mbypara vekua pyrỹmboi'iheare. Heijyshu reta hai jukaha verã, tẽvã kuerajypo mbahapy arape.

Lucas 20:19

Hãrã pai ruvishare hareka Moisés mbypara vekua pyrỹmboi'iheare haipevãĩ pota pysyka jyre Jesús, shara kuaa mondo he'iha ñynõihe kova ñee ñymyhã'ãngaperã; tẽvã japoã reta shara kyje jyreshi kuaretare.

Lucas 23:10

Ĩme'ẽ jyve haipe pai ruvisha hareka Moisés mbypara vekua pyrỹmboi'iheare, heta mbai heihe reta Jesús.

Juan 18:3

Haipe Judas vãhẽ oho hãndi syndarore hareka tũpaope ñyngareko'õre, paire juhuvisha hareka fariseore mondova. Raha reta sapepyare, tata yvyrare myhendyava hareka kyse pukuva.

Juan 3:10

Jesús heishu: Nde rãnga hai pyrỹmboi'ia kuaakatuva Israelpe, hãmera marãĩpo kova mbai rikua'ã?

Juan 7:32

Fariseore hendu kuaretare heiheva Jesús; hãrã haire hareka pai ruvishare hãndi, mondo reta tũpaope'õ syndarore pysy verãre Jesús.

Juan 8:3

Haipe Moisés mbypara vekua pyrỹmboi'iheare hareka fariseore rahashu reta pente taupe, yngava kuimbai iko'ijy hãndirã heshahava. Veru ñono reta hetava mbytepe.

Hechos 23:9

Opa sapuke reta, haipe ĩme'ẽ jyve Moisés mbypara vekua pyrỹmboi'iheare fariseova, pũã retarã hei: Ko kuimbai rãnga japoã porãmba. Ĩmerã Tũpa jokueva hareka espiritu ijetashu.

Hechos 4:5

Ĩrũ arajyape ñymbaty reta Jerusalenpe haipe'õ Judio juhuvishare, hãndi kuakuavare hareka Moisés mbypara vekua pyrỹmboi'iheare.

Hechos 6:12

Kyrãpypei opa mbi'ikorai kuaretare, kuakuavare hareka jyve Moisés mbypara vekua pyrỹmboi'iheare; hãrã opa ou ĩãrẽrã, pysyshu retarã raha reta Judio mburuvisha vasu ñymbaty'õpe.