Mateo 2:2 - NandevaBiblia

² haire pyrãndushu: “Mapera ĩme'ẽ Judiovare juhuvisha vasu oava? Ore heshaha kuarasy õhẽakyty jasytata sape'ẽherã, hãrã ouha omomba'eashu”.

Mateo 2:2 Iomraidhean Croise

Mateo 2:3

Mburuvisha vasu Herodes henduma kovarã, pya myngyjepy hareka opaite Jerusalenvare.

Mateo 21:5

Pereshu Sionpe'õre: “Pymaĩhe, kõõ ou punduruvishavasu mbirikare, mbirikamire, jyrojamba ijeheva”.

Mateo 27:11

Raha reta Jesús huvisha vasu mbory'õre ẽvaperã hai pyrãndushu: Ndera hai Judiore juhuvisha? Jesús heishu: Nde rãnga rere.

Lucas 19:38

hei reta: Tyma'ẽãkavihe Mburuvisha vasu Ñandeja heepe ouva! Pyavapy tõĩ vate arapy hareka tõmomba'eha vatevevape!

Lucas 2:11

Ã'ẽ oaje David hentape pente pyrỹmondo jepe'i verã, hai Cristo, Ñandeja.

Lucas 23:3

Hãrã Pilato pyrãndushu: Ndera hai Judiore juhuvisha vasu? Jesús heishu: Nde rãnga rere.

Lucas 23:38

Jesús ñaka'ĩãrẽ ñonoajy ñee mbyparava Latin hareka Hebreo ĩñeepe heiva: “Kova hai Judiore juhuvisha vasu”.

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

Juan 12:13

Hãrã jasyja reta karãnday hoky jyraha hỹvãĩti reta Jesús hareka sapuke jyrerã hei: Yrỹmondojepeve, Ũrũtũpa! Tojehovasa Ñandeja heepe ouva! Tojehovasa Israel juhuvisha vasu!

Juan 18:37

Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

Juan 19:19

Haivi Pilato ñonoka kurusu ĩãrẽ pente ñee heiva: “Jesús Nazareno, Judiore juhuvishavasu”.

Juan 20:28

Haipe Tomas hei: Sheja, hareka shu Tũpa!

Juan 5:23

opaiteva kuaretare õmombai verãre Tay, Tuu õmombaiva rãĩmi. Tay õmombaimbava, õmomba'eã jyveshu Tuu hai mbou vekua.

Juan 9:38

Hãma kuimbai ĩñesu Jesús hỹnonderã heishu: Airoja ndyrehe, Sheja.

Hebreos 1:6

Hareka hykuaĩ Tay Tynondeva mbou ko yvype, hei: Tõmombai vasushu opaite Tũpa jokuevare.

Apocalipsis 22:16

Jesús hei: “Amondo ajokueva, kova mbai tũpao retaipi hei verã. She rãnga huvisha vasu David ñymoñashi vekua; She hai jasytata kõĩ'ourã sapeva”.