Mateo 2:12 - NandevaBiblia

¹² Tẽvã Tũpa kuaakashu reta jypaihupe, potamba ohojy verãre Herodes ẽvãpe, hãrã tape yngavaipi jyrahajy hentape.

Mateo 2:12 Iomraidhean Croise

Mateo 1:20

José pya mbijeta'irã, mondii jypaihupe ijeshakashu pente Tũpa jokueva hãrã heishu: “José, David ñymoñashia, avy kyje reru verã María ndyrekorã, ko sanjay María ĩmere verã hai Espiritu Santo japova rupii.

Mateo 2:13

Ohojyma karai ãrãndu retarã, Tũpa jokueva José jypaihupe ijeshakashurã hei: “Pũ'ã, narẽ'ãĩte raha sanjay hareka ishy Egiptope. Haipe pytakui she ãrỹmarãndujypeve, shara Herodes hekakapo'ẽ sanjay juka verã”.

Mateo 2:19

Herodes manomarã, Ñandeja jokueva ijeshakashu José jypaihupe Egiptoperã heishu:

Mateo 2:22

José kuama Arquelao mburuvisharã ẽjy Judeape tuu Herodes hẽndakueperã, kyje ohojy haipe. Tẽvã Tũpa mbeushu jypaihupe oho verã Galileape.

Mateo 27:19

Pilato vapyteri'ẽ tribunalperã, hyreko heishu: “Avy mãĩ'ẽhe, ndeave ko kuimbai heko kaviva, pyhare porãã apaihu, hai rehe”.

Lucas 2:26

Espiritu Santo kuaakashu manombateri verã Cristo Ñandeja ndeiteri hesharã.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Hechos 4:19

Tẽvã Pedro hareka Juan heishu reta: Pypya pimbijetano haikavirapo ore japoharã pee pereva maĩrã Tũpa heiva?

Hechos 5:29

Pedro hareka ĩrũ Apostolre hãndi heishu reta: Ore japohã rãngapo kuaretare heiva, ore rãnga japohapo Tũpa potava.

1 Corintios 3:19

Shara Tũpa pevarã ko yvy'ĩãrẽ'õ ãrãndu mba'erãveãshu hai. Kuatia mbyparahava heiva rãĩmi: Tũpa itypy ĩñarãnduvare, ha'ei ñono vekuapy.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

Hebreos 8:5

Kova paire japo jyre vekua rãnga, vate arape'õ rãĩmiva myha'ãngaheva hareka kuarãsyã; Tũpa heishuva rãĩmi Moisés, japomapo'ẽ tavernakulorã: Mãĩkavikui, rijapo ryraha verã arymbyheshakava rãĩmi yvyturusupe.