Mateo 2:11 - NandevaBiblia

¹¹ Iche reta oo iperã, hesha sanjay hareka ishy María hãndi. Haipe ĩñesu retarã, õmombaishu sanjay, haivi mbai hyru pea retarã, meẽshu ita vera ijuva, mbai pishekatuva hareka mirra.

Mateo 2:11 Iomraidhean Croise

Mateo 1:18

Jesucristo oarã kyrãmba: Ishy, María heima reko verã José; tẽvã ndeitẽ jyrekovare María purua Espiritu Santo rupii.

Mateo 12:46

Jesús ijetateri'ẽ vekua, vãhẽ hai ẽvãpe ishy hareka tyvyre pota ijeta hãndirã. Katoapẽ ĩme ñynoĩ reta:

Mateo 14:33

Kanoape'iare opa ĩñesu Jesús hỹnonderã heishu: Nde rãnga ãñete Tũpa Tay.

Mateo 2:10

Ko kuimbai ãrãndure heshama jasytatarã, vy'a jyre.

Mateo 2:2

haire pyrãndushu: “Mapera ĩme'ẽ Judiovare juhuvisha vasu oava? Ore heshaha kuarasy õhẽakyty jasytata sape'ẽherã, hãrã ouha omomba'eashu”.

Lucas 2:16

Hãrã avisha ñyngareko'iheare nare'ãite jyraharã hesha reta Maria, José hareka sanjaymi ñeno'õ mymba karusepyape.

Lucas 2:38

Hãma akuapevaĩ Ana oujyve hãrã õñepyrõ meẽ gracia Tũpape hareka ijetahe sanjayre, opaite harõ'õva retape mupu'ãjy verã Jerusalén.

Juan 19:39

Nicodemo jyve, pente pyntu oho ijeta hãndi vekua vãhẽ oho jyve mbai pishekatuva ryheve, mirra, aloe mbihi'ahava.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

Apocalipsis 5:8

Hekyma kuatiarã, urũndy hykoveteri'iare hareka 24 kuakuavare ĩñesu Avisha Ray hỹnonde, pepenteĩ ipopere arpa hareka vaso ita vera ijuva tynyhẽ'õ mbai pishekatuva, hokava he'ise Tũpa ryhevare jurureva.